Main menu
HOT NEWS
adv
၁၃၇၈  ခုနှစ် မဟာသင်္ကြန် အခင်းအကျင်း

၁၃၇၈ ခုနှစ် မဟာသင်္ကြန် အခင်းအကျင်း

သင်္ကြန်နှင့်   ယဉ်ကျေးမှုသည် ပါဠိဘာသာ သင်္ကန္တမှ ဆင်းသက်လာပြီး ကူးပြောင်းခြင်းဟု အဓိပ္ပာယ်ရှိကြောင်း သိရသည်။ တပေါင်းလမှ တန်ခူးလသို့ ကူးပြောင်းခြင်း၊ မြန်မာနှစ်ဟောင်းမှ နှစ်သစ်သို့ ကူးပြောင်းသောကာလဖြစ်သည်။ နှစ် သစ်သို့ ကူးပြောင်းသည့် တန်ခူးလသည် နွေပူရှိန် ပြင်းပြလှသော ကြောင့် သင်္ကြန်ရေချမ်းဖြင့် အေးချမ်းအောင် ဖြန်းပက်သည့် သင်္ကြန် ပွဲတော် ကျင်းပကြခြင်းဖြစ်သည်။ နှစ်ဟောင်းမှ အညစ်အကြေးများ ကို ဆေးကြောပေးသည့်သဘောလည်း ပါဝင်သည်။

တန်ခူးလ သင်္ကြန်ပွဲတော်ကို ရှေးမြန်မာဘုရင်များလက်ထက်များမှ စတင်ကျင်းပခဲ့ပြီး ပုဂံခေတ် ပုဂံမင်းဆက်များ သင်္ကြန်ပွဲတော် ကျင်းပခဲ့ကြောင်း သမိုင်းအထောက်အထားများအရ သိရသည်။ ပုဂံခေတ် နရသီဟပတေ့မင်း လက်ထက်တွင် ရေကစားပွဲတော်ကျင်းပရာ မိဘုရားစောလုံ အရှက်ရသွားသဖြင့် ဘုရင်ကို အဆိပ်ခတ် လုပ်ကြံသဖြင့် သေဒဏ်ပေးခဲ့ကြောင်းလည်း သမိုင်းတွင် မှတ်တမ်း တင်ထားသည်။

အတာနှစ်ဦးတွင် ကောင်းမှုကုသိုလ်ပြုလုပ်ပြီး ဖြတ်သန်းသင့် ကြောင်းနှင့် နှစ်သစ်ဦးတွင် ငိုကြွေခြင်း၊ လိင်ဆက်ဆံခြင်း(ကာမဂုဏ်ခံစားမှု)၊ သူတစ်ပါးအသက်သတ်ခြင်း၊ သေရည်သေရက် မူးယစ်ဆေးဝါး သောက်သုံးခြင်း၊ အမျက် ထွက်ခြင်း၊ သွေးဖောက် သွေးထုတ်ခြင်း၊ ဆီလိမ်း၊ ဆေးလိမ်းခြင်း၊ သစ်ပင်ခုတ်ခြင်း(ထင်း ခုတ်ခြင်း)၊ ကုန်ပစ္စည်း ဝယ်ယူသိုလောင်ခြင်း၊ ကုန်ပစ္စည်းရောင်းချ ခြင်းတို့ကို ရှောင်ကြဉ်သင့်သည်ဟု ရှေးပညာရှိများက ဖော်ထုတ် ရေးသားထားခဲ့ပါသည်။
အတာအိုး    ၊    အတာပန်း အတာအိုးသည် သင်္ကြန်ကို ကြိုဆိုသည့်အနေဖြင့် သင်္ကြန် မကျမီက ကြိုတင်ပြင်ဆင်ထားရမည်ဖြစ်ပြီး ခုနစ်ရက်သားသမီး များအတွက် ပန်းခုနစ်မျိုး၊ အညွန့်ခုနစ်မျိုး ဖြစ်စေ ရေပြည့်အိုးဖြစ် စေ ထည့်ထိုးကြရသည်။

 

ပုဂံခေတ်ရိုးရာသင်္ကြန်

ပုဂံခေတ်တွင် သင်္ကြန်ပွဲတော် ကျင်းပခဲ့ပုံကို စာပေသမိုင်း အထောက်အထားများတွင်သာမက ပုဂံနံရံဆေးရေးပန်းချီများတွင် လည်း လေ့လာတွေ့ရှိရသည်။

ပုဂံခေတ် သင်္ကြန်ပွဲတော်တွင် နန်းဆောင်၊ စေတီသုံးဆူနှင့် သစ်ပင်များ နောက်ခံထားသည့်ရှုခင်းတွင် နန်းဝတ်နန်းစားဖြင့် ငါးဦး ရေသဘင်ဆင်နွဲနေသည့်ပုံ တွေ့ရှိရသည်။ ဘုရင်ဝတ်စုံဝတ်ဆင် ထားသည့် အမျိုးသားသည် လက်တစ်ဖက်က ရေအိုးကို ကိုင်ထား ပြီး တစ်ဖက်က ရေခွက်ထဲမှရေဖြင့် မိဖုရား၏ပုခုံးထက်ကို ရေသွန်း လောင်းနေသည့်ဟန် ရေးဆွဲထားသည်။ ဘေးတွင် နန်းတွင်းသူ တစ်ဦးက ရေခွက်တစ်ဖက် ပန်းတစ်ဖက်ကို ကိုင်ဆောင်ထားသည်။ နန်းတွင်းသူ၏ဘေးတွင် နန်းတွင်းသားတစ်ဦး ရေအိုးကို ပိုက်ကာ သပြေခက်ကို ကိုင်ဆောင်ထားပြီး နန်းတွင်းသူတစ်ဦးကလည်း ရေ အိုးကိုပိုက်ထားသည်ကို တွေ့မြင်ရသည်။

ပုဂံခေတ်တွင် ကျင်းပသည့် သင်္ကြန်ပွဲတော်တွင် ရေအိုးလေး များထဲမှ ရေများကို သပြေခက်နှင့်ယူ၍ဖြစ်စေ ၊ ရေခွက်ဖြင့်ယူ၍ ဖြစ်စေ သွန်းလောင်းခဲ့ကြောင်း သိရသည်။

 

မျက်မှောက်ခေတ်သင်္ကြန်ပွဲတော်


သင်္ကြန်ပွဲတော်ကို တစ်ချိန်က သပြေခက်နှင့်၊ ရေခွက်ငယ်ဖြင့် သွန်းလောင်းခဲ့ရာမှ နောက်ပိုင်းတွင် မဏ္ဍပ်များတည်ဆောက်ကာ ရေပိုက်များဖြင့် သွန်းလောင်းသည့်ပုံစံ ပြောင်းသွားသည်။ ရေပြင်း အား များသောကြောင့် နားများ၊ မျက်လုံးများ၊ အဆုတ်များ ရေဝင် ကာ ကျန်းမာရေးချို့တဲ့သည်အထိ ဖြစ်လာသောကြောင့် နိုင်ငံတော် အစိုးရမှ ရေအားပြင်းသည့် မီးသတ်ပိုက်များ၊ ရေပိုက်များကို ခွင့် မပြုတော့ကြောင်း သိရသည်။

ရေသဘင်ပွဲတော်ကို ဆင်နွဲသောသူများသည် ခေတ်အဆက်ဆက် လှပသောဝတ်စုံများ ဝတ်ဆင်ဆင်နွဲခဲ့ရာမှ အဖော်အချွတ် အဝတ်အစားများ ဝတ်ဆင်သောသူများ၊ှနထပီညေခန ကသော သူများ၊ အရက်သေစာ၊ မူးယစ်ဆေးဝါး သောက်စားသူများကြောင့် မြန်မာ့ရိုးရာသင်္ကြန်ပွဲတော်၏ အနှစ်သာရများ ညှိုးနွမ်းခဲ့ရသဖြင့် နိုင်ငံတော်အစိုးရ(ယဉ်ကျေးမှုဝန်ကြီးဌာန) အနေဖြင့် နှစ်စဉ် သတိ ပေးကြော်ငြာစာ ထုတ်ပြန်ခဲ့ရသည်။ သရုပ်ပျက်အဝတ်အစားများ၊ သရုပ်ပျက်အကများ၊ အပြုအမူဆိုးများကို အရေးယူမည်ဟု သတိ ပေးခြင်းများ ဆောင်ရွက်ခဲ့ကြသည်။

အစိုးရသစ်တက်ပြီး နောက်ပိုင်းတွင်လည်း သင်္ကြန်မဏ္ဍပ် အလုံပိတ်အခန်းများ ရှင်းလင်းခြင်း၊ စီးပွားဖြစ်မဏ္ဍပ်များ ခွင့်မပြု ခြင်း၊ လုံခြုံရေးအတွက် CCTV ကင်မရာ တပ်ဆင်ခြင်းများ ဆောင် ရွက်ခဲ့သည်။ သရုပ်ပျက်သင်္ကြန်မှ ရိုးရာသင်္ကြန် အဖြစ် ပြောင်းလဲ လာခဲ့သည်။

ယခုနှစ်တွင်လည်း မြန်မာ့ရိုးရာသင်္ကြန်ပွဲတော်ကို ရိုးရာယဉ် ကျေးမှုဓလေ့အတိုင်း ဆောင်ရွက်ဖို့ ရန်ကုန်တိုင်းဝန်ကြီးချုပ် ဦးဖြိုး မင်းသိန်းက လမ်းညွှန်ထားကြောင်း သိရသည်။


စီးပွားဖြစ်မဏ္ဍပ်


ရန်ကုန်မြို့တော်တွင် သင်္ကြန်ဖျော်ဖြေရေး မဏ္ဍပ်များအား သုဝဏ္ဏအားကစားကွင်း၊ ရွှေထွဋ်တင်၊ ပြည်သူ့ရင်ပြင် နေရာများ၌ ခွင့်ပြုပေးသွားမည်ဖြစ်သော်လည်း အများပြည်သူနှင့် သက်ဆိုင် သည့် နေရာများ၌ စီးပွားဖြစ်မဏ္ဍပ်များ ခွင့်ပြုပေးသွားမည်မဟုတ် ကြောင်း သိရသည်။

''စီးပွားဖြစ်မဏ္ဍပ် ခွင့်ပြုပေးတယ်ဆိုတာကို ကွဲကွဲပြားပြား သိ စေချင်တယ်။ ပြီးခဲ့တဲ့နှစ်က မဏ္ဍပ်နေရာတွေမှာပဲ ခွင့်ပြုတယ်။ အများပြည်သူပိုင် ဧရိယာတွေမှာ ကျင်းပတဲ့ မဏ္ဍပ်တွေအားလုံးကို စီးပွားဖြစ်မဏ္ဍပ်အဖြစ် ခွင့်မပြုဘူး။ ဏမငလအေန ဧရိယာသက်သက် ကျင်းပမယ့်ပွဲတွေမှာ သူတို့ရဲ့ ဏမငလအေန ဧရိယာတွေမှာ ကျင်းပတဲ့ ပွဲတွေကိုသာ ခွင့်ပြုနေတာ''ဟု ကရင်တိုင်းရင်းသားရေးရာဝန်ကြီး နော်ပန်းသဉ္ဇာမျိုးက ပြောကြားသည်။

Pravite ဧရိယာများတွင် မိမိဘာသာ စီးပွားဖြစ်ကျင်းပလိုသည့် သူများအတွက် စည်းကမ်းဥပဒေ လုပ်ထုံးလုပ်နည်းများ သီခြားချမှတ် ပေးထားကာ အခွန်အခများအနေနှင့် စီမံဘဏ္ဍာဝန်ကြီးကိုယ်တိုင် ကြီးကြပ်ကောက်ခံသွားမည်ဖြစ်ကြောင်း သိရသည်။

 

အဝေးပြေးယာဉ်အခက်အခဲ

ယင်းအပြင် သင်္ကြန်ကာလအတွင်း အဝေးပြေးယာဉ်လိုင်းများ မှ ယာဉ်စီးခ ရာခိုင်နှုန်း ၅ဝ တိုးမြှင့်ကောက်ခံရန် တင်ပြထားမှုအား ခွင့်ပြုသွားမည် မဟုတ်ကြောင်း သိရသည်။

''သင်္ကြန်ကာလ ကားကလဲ ထွက်တာနည်းတယ်။ သူတို့ဘက် ကလဲ အခက်အခဲတွေ တင်ပြတယ်။ သူတို့က ရန်ကုန်ကနေ အသွား တစ်ကြောင်းပဲ လူပါပြီး အပြန်လူမပါလို့ အခက်အခဲ တွေ့ရတယ်။ အဲဒါကြောင့် ရာခိုင်နှုန်း ၅ဝ တိုးကောက်ခံဖို့ တင်ပြတာ''ဟု ရန်ကုန် တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာ ပိုင်အဖွဲ့မှ အတွင်းရေးမှူးက ပြောကြားသည်။

ယင်းမတိုင်မီကာလ၌ ခရီးသည်တင်ယာဉ်အချို့မှ ရန်ကုန်-မန္တလေး ခရီးစဉ်များအား ယခင် ကျပ် ၁၂ဝဝဝ မှ ၁၇ဝဝဝ၊ နေ ပြည်တော်ခရီးစဉ်အား ယခင်ကျပ် ၆၈ဝဝ မှ ကျပ် ၇၃ဝဝ သို့ တိုးမြှင့်ကောက်ခံမှုများရှိခဲ့ကြောင်း သိရသည်။

သင်္ကြန်ကာလမှာ နေရပ်ပြန်မယ့်သူတွေကို လက်မှတ်နှုန်းထား မူလဈေးထက် ရာခိုင်နှုန်း ၅ဝ တိုးမြှင့်ပေးဖို့ကိစ္စကို အောင်မင်္ဂလာ အဝေးပြေးယာဉ်လိုင်းပိုင်ရှင်တွေ စုပေါင်းပြီး တင်ပြခြင်းအပေါ် အစိုးရအဖွဲ့ရုံးမှ မတ် ၂၄ ရက်တွင် ရန်ကုန်တိုင်းဒေသကြီး အစိုးရ အဖွဲ့ရုံး၏ သတင်းစာရှင်းလင်းပွဲတွင် ရန်ကုန်တိုင်းဒေသကြီးဝန်ကြီး ချုပ် ဦးဖြိုးမင်းသိန်းက ပြောကြားရာတွင် နေရပ်ပြန်တဲ့အခါမှာ သွား လာရေးလွယ်ကူချောမွေ့နိုင်ဖို့အတွက် ရန်ကုန်သယ်ယူပို့ဆောင် ရေး အာဏာပိုင်အဖွဲ့မှ အဝေးပြေးယာဉ်လိုင်းများ လွယ်ကူသွား လာနိုင်အောင် စီမံခန့်ခွဲထားတဲ့အခြေအနေ ရှိပါတယ်။ ဒီကာလမှာ တော့ ခရီးသွားသူကများပြီး ကားအရေအတွက် နည်းတဲ့အတွက် အခက်အခဲဖြစ်ကြရပါတယ်။ ခရီးသွားယာဉ်လိုင်းတွေ အတွင်းမှာ သတ်မှတ်ထားတဲ့ ယာဉ်လိုင်းထက် တိုးပြီးပြေးဆွဲပေးဖို့ကိုလည်း စီမံဆောင်ရွက်နေပါတယ်။ ဈေးနှုန်းကို တိုးပြီးကောက်ခံမှုတွေရှိခဲ့ရင် ထိထိရောက်ရောက် ဥပဒေနဲ့အညီ ဂိတ်တွေကို အရေးယူသွား မှာဖြစ်ပြီး ရန်ကုန်သယ်ယူပို့ဆောင်ရေးနှင့်ပတ်သက်၍လည်း ယာဉ် လိုင်းများအား တိုးချဲ့ပြေးဆွဲပေးသွားမည်ဖြစ်ကြောင်း ဖြေကြားခဲ့ သည်။

သင်္ကြန်ပြန်မည့် ခရီးသည်များအတွက် ပုံမှန်ဈေးနှုန်းဖြင့် ဧပြီ ၁၁ ရက်အထိ လက်မှတ်များအား မတ် ၁၉ ရက်တွင် လာရောက် ဝယ်ယူသည့် ခရီးသည်များပြားခြင်းကြောင့် ရောင်းချပေးနေပြီဖြစ် ကြောင်း မန္တလာမင်း ခရီးသည်တင်ယာဉ်လိုင်း တာဝန်ခံတစ်ဦးက ပြောကြားသည်။

ကုန်ဈေးနှုန်း

နှစ်စဉ် သင်္ကြန်ကာလမတိုင်မီ ကာလများအတွင်း၌ အခြေခံ စားသောက်ကုန်ဈေးနှုန်းများ မြင့်တက်လေ့ရှိကာ လက်ရှိကာလ၌ လည်း အခြေခံစားသောက်ကုန် ဈေးနှုန်းများမှာ တဖြည်းဖြည်း မြင့်တက်လျက်ရှိကြောင်း အိမ်ရှင်မများထံမှ သိရသည်။

 

Rate this item
(0 votes)
Login to post comments
back to top

620 200

620 200 2

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616

For Information - 09 400471100 , 09 964010191