HOT NEWS
Main menu
မြန်မာ-တရုတ် ရေနံနှင့် ဓာတ်ငွေ့ပိုက်လိုင်း ကိစ္စ လျော်ကြေး မရသည့် တောင်သူများ ကျောက်ဖြူ  MOGE ရုံးတွင် ထုတ်ယူနိုင်

မြန်မာ-တရုတ် ရေနံနှင့် ဓာတ်ငွေ့ပိုက်လိုင်း ကိစ္စ လျော်ကြေး မရသည့် တောင်သူများ ကျောက်ဖြူ MOGE ရုံးတွင် ထုတ်ယူနိုင်

ရန်ကုန်၊ ဇန်နဝါရီ ၁၀

မြန်မာ-တရုတ် ရေနံနှင့် သဘာဝဓာတ်ငွေ့ ပိုက်လိုင်းကြောင့် လယ်ယာမြေတို က်စားမှုနှင့် ပတ်သက်ပြီး လျော်ကြေးမရသည့် တောင်သူများအနေဖြင့် ကျောက်ဖြူခရိုင် MOGE ရုံးတွင် မည်သည့်အချိန်မဆို ထုတ်ယူနိုင် ပြီး တောင်သူများမှ တရားစွဲဆိုလာပါက ဥပဒေကြောင်းအရ ပြန်လည်တုံ့ပြန်သွားမည်ဖြစ်ကြောင်း အဆိုပါကုမ္ပဏီမှ သိရသည်။ ကျောက်ဖြူခရိုင်ရှိ တောင်သူ ၂၁ ဦးက လယ်ယာမြေရေတိုက်စားမှု ကိစ္စနှင့်ပတ်သက်၍ စစ်တွေမြို့တွင် ဇန်နဝါရီ ၈ ရက်က သတင်းစာရှင်းလင်းပွဲပြုလုပ်ခဲ့ခြင်းအပေါ် SEAGP ကုမ္ပဏီက ဇန်နဝါရီ ၉ ရက်၌ ရန်ကုန်မြို့ရှိ Sedona Hotel တွင် သတင်းစာရှင်းလင်းပွဲပြုလုပ်ခဲ့ရာတွင် အထက်ပါ အတိုင်း ပြောကြားခဲ့ခြင်းဖြစ်သည်။


SEAGP ကုမ္ပဏီ၏ Public Relationship Department မှ Deputy Manager  ဖြစ်သူ Henry Zhang က ''ကုမ္ပဏီသည် မြေယာ လျော်ကြေးပေးရေးကိစ္စအား အချိန်ပြည့် အလေးထား ဆောင်ရွက်လေ့ရှိပါ တယ်။ ပိုက်လိုင်းလမ်းကြောင်း တစ်လျှောက်ရှိ ပြည်သူတို့၏အကျိုးစီးပွားအတွက်လည်း အလွန်အလေးထားခဲ့ပါတယ်။ ပိုက်လိုင်းကြောင့် အမှန်တကယ် ထိခိုက်နစ်နာခဲ့တဲ့ကိစ္စတွေကိုလည်း မျှတသည့်အပြု အမူ၊ မြန် မာနိုင်ငံ၏ တည်ဆဲဥပဒေအရ တက်ကြွစွာဖြေရှင်းခဲ့ပါတယ်။ တာဝန်ယူသည့်ကိစ္စများအား မည်သည့်အခါကမှ တိမ်းရှောင်ခဲ့ခြင်းမရှိခဲ့ပါဘူး။ အခု တောင်သူ ၂၁ ဦးအနေနဲ့လည်း ကျောက်ဖြူ ခရိုင် MOGE ရုံး မှာလျော်ကြေးငွေကို အချိန်မရွေးထုတ် ယူနိုင်ပါတယ်။ တကယ်လို့ ဥပဒေကြောင်းအရ တရားစွဲဆိုမယ်ဆိုရင် လည်း ဥပဒေကြောင်းအရရင်ဆိုင်ဖြေရှင်းသွားမှာဖြစ်ပါတယ်''ဟုပြောသည်။


ကျောက်ဖြူဒေသသည် နှစ်စဉ် နှစ်တိုင်း မိုးတွင်းကာလ ကြာရှည်ပြီး မိုးလည်းအလွန်ကြီးပါကြောင်း၊ စီမံကိန်းတည်ဆောက်ပြီးနောက်ပိုင်း မိုးရေတိုက်စားခြင်းနှစ်တိုင်းရှိသဖြင့် ပိုက်လိုင်းလမ်းကြောင်းတစ်လျှောက် ရှိ လယ်မြေ အစိတ်အပိုင်းအချို့ မိုးရေ တိုက်စားခြင်းခံရပြီးနောက် တောင်သူ အချို့သည်လည်း ကုမ္ပဏီထံသို့ လျော်ကြေးပေးရန် တောင်းဆိုလာကြောင်း၊ ကုမ္ပဏီသည် သိရှိသည်နှင့်တစ်ပြိုင်နက် ကျောက်ဖြူရှိ သက်ဆိုင် ရာအစိုးရဌာန၊ ကျောက်ဖြူ MOGE မှ အထူးအရာရှိနှင့်တကွ လယ်မြေထိခိုက်နေရာသို့ သွားရောက်လေ့လာ ကြည့်ရှုခဲ့ပြီး တောင်သူတို့၏ ထိခိုက်နစ်နာမှု အခြေအနေနှင့် အချက်အလက်များကို ရယူသိရှိခဲ့ကြောင်း၊ ထို့နောက် ဥပဒေအတိုင်းလျော်ကြေး ပေးသည့်ကိစ္စများကို ဆောင်ရွက်ခဲ့ ကြောင်း သိရသည်။


အဆိုပါ လေ့လာစုံစမ်းမှုအရ ကျောက်ဖြူခရိုင် ကျေးရွာခြောက်ရွာရှိ တောင်သူ ၂၂ဝ တို့၏ နစ်နာမှုများ မတူညီသည်ကို တွေ့ရှိရပါကြောင်း၊ လျော်ကြေးကိစ္စနှင့် ပတ်သက်ပြီး ပြည်နယ်အစိုးရ၊ MOGE၊ ကုမ္ပဏီနှင့် ကျေး ရွာ ကိုယ်စားလှယ်အဖွဲ့ လေးဖွဲ့တို့သည် အကြိမ်ကြိမ်ဆွေးနွေးညှိနှိုင်းပြီး တောင်သူအများစုမှ ဥပဒေဆိုင်ရာ စည်းမျဉ်းစည်းကမ်းအတိုင်း မြေယာတစ်နှစ်စာ သီးနှံအထွက်နှုန်း၏ ငါးဆကို ရိတ်သိမ်းတန်ဖိုး အဖြစ်ပေးေ လျာ်ရန် သဘောတူညီခဲ့ကြကြောင်း၊ ထို့အတွက် ကုမ္ပဏီသည် ၂ဝ၁၅ ခုနှစ် အောက်တိုဘာ ၂၂ ရက်တွင် တောင်သူ ၁၆၉ ဦးအား လျော်ကြေးငွေများ ပေးခဲ့ကြောင်း၊ ၂ဝ၁၆ ခုနှစ် ဧပြီလ ၃ဝ ရက် နောက်ပိုင်း တွင် တောင်သူ ၃ဝ ဦးကို ဆက်လက်ပေးလျော်ခဲ့ပြီး လက်ရှိအချိန်တွင် တောင်သူ ၂၂ဝ အနက်၂၁ ဦးသာ လျော်ကြေးကို လက်ခံရယူရန် သဘောမတူခဲ့ကြောင်း သိရသည်။ ကျောက်ဖြူခရိုင်အတွင်းရှိ လျော်ကြေး မယူသည့်တောင်သူ ၂၁ ဦးက ကုမ္ပဏီအနေဖြင့် ဖြေရှင်းမပေးပါက တရားစွဲဆိုသွားမည်ဖြစ်ကြောင်း ဇန်နဝါရီ ၈ ရက်နေ့ သတင်းစာရှင်းလင်းပွဲတွင် ပြောကြားခဲ့သည်။ Henry Zhang က''လယ်ယာ ရိတ်သိမ်း စရိတ် လက်မခံနိုင်သော တောင်သူ ၂၁ ဦး၏ တောင်းဆိုထားသော အခြားနည်းလမ်းများကို ကုမ္ပဏီဘက်မှ နှစ်ဦးနှစ်ဖက်သဘောတူ ညီနိုင်သောဖြေရှင်းချက်ဖြင့် အမြန်ဆုံးဖြေရှင်းရန် မျှော်လင့်ပါတယ်''ဟု ဆက် လက်ပြောသည်။


AA

#democracytoday

Rate this item
(0 votes)
M ဘွယ်

M-Bwel (Assistance Online Editor)

Latest from M ဘွယ်

Leave a comment

Make sure you enter all the required information, indicated by an asterisk (*). HTML code is not allowed.

back to top

ADV

 ymg adv 6

FacebookG+TwitterRSS