Main menu
HOT NEWS
adv
မြဝတီ နယ်စပ် ကုန်သွယ်ရေး စခန်းတွင် ကုန်စည် ရှင်းလင်းစနစ်  အသုံးပြုမည်

မြဝတီ နယ်စပ် ကုန်သွယ်ရေး စခန်းတွင် ကုန်စည် ရှင်းလင်းစနစ် အသုံးပြုမည်

ရန်ကုန်

နယ်စပ်ကုန်သွယ်ရေးစခန်းများအနက် မြဝတီကုန်သွယ်ရေးစခန်းတွင် ၂၄ နာရီ အွန်လိုင်းဝန်ဆောင်မှုဖြင့် အလိုအလျောက် ကုန်စည်ရှင်းလင်းစနစ်ကို လာမည့် ၂ဝ၁၈ ခုနှစ်မှ စတင်ကျင့်သုံးသွားမည်ဖြစ်ကြောင်း သိရ သည်။ ( MACCS) Myanmar Automated Cargo Clearnace System မြန်မာအလို အလျောက် ကုန်စည်ရှင်းလင်းရေးစနစ်ကို အသုံးပြုရန် လုပ်ငန်းရှင်များမှ MACCS စနစ် နှင့် ချိတ်ဆက်ရမည်ဖြစ်ပြီး MACCS Private User စာရင်း ဖွင့်လှစ်ပါက ပို့ကုန်၊ သွင်းကုန် လိုင်စင်လျှောက်ထားခြင်းများ၊ ကုန်စည်သေတ္တာ ထုတ်ယူခြင်း၊ အကောက်ခွန်၊ ကုန်သွယ်လုပ်ငန်းခွင်၊ လုံခြုံရေးစစ်ဆေးခ စသည့်ပေးဆောင်ရ သည့် အခွန်အခများအားလုံးကို ဆောင်ရွက် နိုင်မည်ဖြစ်ကြောင်း သိရသည်။


မြန်မာနိုင်ငံတွင် နယ်စပ်ကုန်သွယ်ရေး စခန်း ၁၅ ခုရှိသော်လည်း မြဝတီကုန်သွယ် ရေးစခန်းတွင် MACCS စနစ်ကို စတင်ကျင့် သုံးခြင်းနှင့်ပတ်သက်ပြီး အကောက်ခွန်ဦးစီး ဌာန(MACCS) ဌာနခွဲ၊ ညွှန်ကြားရေး မှူး ဦးဝင်းသန့်က ''မူဆယ်နယ်စပ်ကုန်သွယ်ရေးစခန်းက ကုန်သွယ်မှုအများဆုံးဆိုပေမယ့် မြဝတီကို ရွေးချယ်ရတာက လက်ရှိရေနက်ဆိပ်ကမ်း ထားဝယ်ရေနက်ဆိပ်ကမ်းပေါ့။ အထူးသဖြင့် ကျွန်တော်တို့ SEZ တို့နဲ့ ကုန် သွယ်မှုဖြစ်လာတဲ့အခါမှာ ကုန်သွယ်မှုပမာဏ အရရော နှစ်နိုင်ငံညှိနှိုင်းချက်အရပါ ဦးစား ပေးရွေးတော့ မြဝတီကို ရွေးလိုက်တာပါ''ဟု ရှင်းလင်းပြောဆိုသည်။ လက်ရှိတွင် ယင်းစနစ် အသုံးပြုနိုင်ရန် အတွက် မြ ဝတီနယ်စပ်ကို ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ JICA  နှင့် အကောက်ခွန်ဦးစီးဌာနမှ လေ့လာမှု စစ်တမ်းကောက်ယူလျက်ရှိသည်။ MACCS စနစ်ကို အကောက်ခွန်လုပ်ငန်းဆောင်ရွက်၍ ရသည့် မည်သည့်နေရာတွင်မဆို အသုံးပြုနိုင်ပြီး ကုန်းတွင်းဆိပ်၊ ရေဆိပ်၊ လေဆိပ်၊ နယ်စပ်ဒေသ အကောက်ခွန်ဌာန ရှိသည့်နေရာတိုင်းတွင် MACCS သုံးစွဲ၍ ရသည့်အနေအထားဖြစ်အောင် ရေးဆွဲနေခြင်းဖြ စ်ကြောင်း သိရသည်။


MACCS စနစ်ကို အသုံးပြုရသည့်ရည်ရွယ်ချက်မှာ ကုန်သွယ်မှု လျင်မြန်ရန်အတွက် ဖြစ်သော်လည်း ဝန်ထမ်းများ၏ လုပ်ငန်းမကျွမ်းကျင်ခြင်း၊ အင်တာနက်မြန်နှုန်း မကောင်းမွန် ခြင်းများရှိသဖြင့်  ရန်ကုန်မြို့တွင် စတင် ကျင့်သုံးရာ၌ အကောက်ခွန်ဆောင်ရွက်မှုများ ကြန့်ကြာခြင်းများကြောင့် ဝေဖန်မှုများနှင့် ကြုံတွေ့နေရသည်။ ''စစချင်း တစ်လ နှစ်လလောက်တော့ တည်ငြိမ်တာမဖြစ်ခဲ့ဘူး။ ခြောက်လလောက်ဆိုရင်တော့ အဆင်ပြေပြီး ပြီးပြည့်စုံမှာဖြစ်တယ်''ဟု ယင်းကဆက်လက်ပြောသည်။ အဆိုပါစနစ်ကို ရန်ကုန်ဧရိယာအတွင်း သီလဝါအထူးစီးပွားရေးဇုန်အပါအဝင် ဆိပ်ကမ်းများ၌ ၂ဝ၁၆ ခုနှစ် နိုဝင်ဘာ ၁၂ ရက်က စတင် အသုံးပြု ခဲ့ခြင်းဖြစ်သည်။

ဖြူသစ်လွင်

#theyangontimes

Rate this item
(0 votes)
M ဘွယ်

M-Bwel (Online Editor)

Login to post comments
back to top

620 200

620 200 2

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616

For Information - 09 400471100 , 09 964010191