HOT NEWS
Main menu
adv
စိန်ခေါ်မှု မှန်သမျှ ရဲရဲ ရင်ဆိုင်ပါ

စိန်ခေါ်မှု မှန်သမျှ ရဲရဲ ရင်ဆိုင်ပါ

အစိုးရသစ်လက်ထက်တွင် စိန်ခေါ်မှုအသစ်များများစွာ ပေါ်ထွက်လာသည်။ ယခင်အစိုးရဟောင်း၏ လက်ကျန်ပြဿနာများသည်လည်း ပြီးဆုံးခြင်းမရှိ။ ယနေ့တိုင် ဖြေရှင်းနေရဆဲဖြစ်သည်။ ယခင်အစိုးရဟောင်းများ ၏ တောင်သူလယ် သမားများထံမှ လယ်ယာမြေသိမ်းဆည်းမှု ပြဿနာများ၊ နစ်နာမှုများ၊ လယ်ယာမြေပိုင်ဆိုင်မှု အငြင်းပွားမှုများမှာ အစိုးရ၊ တပ်မတော်နှင့် ပုဂ္ဂလိက စီးပွားရေးလုပ်ငန်းရှင်များနှင့် တောင်သူလယ်ယာ ဦးကြီးအကြား တရားရုံးရောက်၊ ရဲစခန်းရောက်၍ တစ်ဖက်နှင့်တစ်ဖက်အား ပြိုင်နေကြရသည်။ များသောအားဖြင့် တောင်သူလယ်ယာဦးကြီးများမှာ အရှုံးနှင့်ရင်ဆိုင်ကြရသည်။ နစ်နာဆုံးရှုံးကြရသည်။ မိမိလယ် ယာမြေကို သိမ်းဆည်းထားသူထံမှ သီးစားခပေး၍ ပြန်လည်စိုက်ပျိုး နေကြရသည့်ဘဝမျိုးသို့ ရောက်ရှိနေကြရသည်။


ထို့အတူ စက်ရုံအလုပ်ရုံများတွင်လည်း အလုပ်ရှင်နှင့်အ လုပ်သမားများအကြား ပဋိပက္ခများစွာ ဖြစ်ပေါ်နေသည်။ အလုပ်သမားဆိုင်ရာ ဥပဒေများ ပြဋ္ဌာန်းချမှတ်ထားသည့်တိုင် အလုပ်ရှင်တို့ကြောင့် နစ်နာသူ အလုပ် သမားက တောင်းဆိုမှုများပြုရာမှ အလုပ်ရှင်နှင့် အလုပ်သမားအကြား ပဋိပက္ခများ မကြာခဏ ပေါ်ပေါက်နေခြင်းဖြစ်သည်။ ယခုအစိုးရလက်ထက်တွင် ဖြစ်ပွားနေသည့် ရခိုင်ပြည်နယ် မောင်တောဒေသ ပဋိပက္ခ များနှင့် ရှမ်းပြည်နယ်အရှေ့မြောက် ဒေသများတွင် မြောက်ပိုင်းမဟာမိတ်အဖွဲ့ဆိုသည့် လက်နက်ကိုင် တိုင်းရင်းသားများ၏ အကြမ်းဖက်တိုက်ခိုက်မှုမျိုး ဖြစ်စဉ်များသည် ယခင်အစိုးရဟောင်းများ လက်ထက်ကလည်း ယင်းသို့တူညီသည့် ဖြစ်စဉ်မျိုး အကြိမ်ကြိမ် ရှိခဲ့ဖူးသည်။ ဖြစ်စဉ်အဟောင်းများကဲ့သို့ အစိုးရသစ်လက်ထက်တွင် စိန်ခေါ်မှုအသစ်အဖြစ် သွေးတိုးစမ်းဖန် တီးလာခြင်းဖြစ်သည်။


ဘာသာရေး၊ လူမှုရေး၊ နိုင်ငံရေးတို့ဖြင့် စစ်ပွဲများ ဖန်တီးလာကြသည်။ လူမျိုးရေးအရ ဘာသာရေးအရ နယ်မြေပိုင်ဆိုင်မှု တောင်းဆိုကြသည်။ အခွင့်အရေး တောင်းဆိုကြသည်။ ငြိမ်းချမ်း ရေးကို ရှေးမရှုဘဲ အပေး အယူနှင့် ငြိမ်းချမ်းရေးကို အလဲအထပ်ပြုလုပ်လိုသည့် သဘောဖြစ်သည်။ အထူးသဖြင့် လူမျိုးရေးခေါင်းဆောင်အဖြစ် ကိုယ့်ကိုယ်ကိုယ် သတ်မှတ်ထားသည့် လက်နက်ကိုင်တိုင်းရင်းသား ခေါင်းဆောင်အချို့သည် အမှန် တကယ် အစိုးရနှင့် ငြိမ်းချမ်းရေးရယူလိုလျှင် ငြိမ်းချမ်းရေးစားပွဲဝိုင်းတွင် ဆွေးနွေးရန်လိုအပ်သည်။ ငြိမ်းချမ်းရေးအတွက် နိုင်ငံရေးစားပွဲဝိုင်းတွင် အစိုးရနှင့် တိုင်းရင်းသားလက်နက်ကိုင်များအကြား သာတူညီ မျှ ဆွေးနွေး ညှိ နှိုင်းအဖြေရှာသင့်သည်။ ပုဂ္ဂိုလ်ရေး အာဃာတနှင့် အတ္တကို ရှေ့တန်း မတင်ဘဲ ညှိနှိုင်းဆွေးနွေးသင့်သည်။


အစိုးရနှင့် တိုင်းရင်းသားလက်နက်ကိုင်များအကြား တတိယကြားခံလူ ထားရှိဆွေးနွေးရန်မလိုသော နှစ်ဦးနှစ်ဖက် ယုံကြည်မှုတည်ဆောက်၍ လွတ်လပ်စွာ ဆွေးနွေးသင့်သည်။ တတိယလူအဖြစ် ထားရှိမည့်သူများ၏ စိတ်ရင်းသဘောထားအမှန် ဖြူစင်မှုမှာ ယုံကြည် စိတ်ချရန် ခဲယဉ်းသည်။ အစိုးရဘက်သို့ ဘက်လိုက်နိုင်သည်။ လက် နက်ကိုင် သောင်းကျန်းသူများဘက်သို့ ဘက်လိုက်နိုင်သည်။ ယနေ့အစိုးရသစ်လက်ထက်တွင် လူ မျိုးရေး၊ ဘာသာရေး၊ နိုင်ငံရေး၊ စီးပွားရေး၊ လူမှုရေးစသည်တို့ကိုအခြေခံ၍ ယခင်အစိုးရ ဟောင်းလက်ထက်နှင့်မတူ တမူထူးခြားဆန်းပြား စိန်ခေါ်မှုအသစ်များ နှင့် ရင်ဆိုင်ရမည်မှာ သေချာသည်။ ယင်းမှာ ဒီမိုကရေစီ အသွင်ကူး ပြောင်းရေးကာလတွင် နိုင်ငံတကာရှိ အစိုးရသစ်တိုင်း ကြုံတွေ့ရ လေ့ရှိသည့် စိန်ခေါ်မှုများပင်ဖြစ်သည်။ ယင်းအတွက် အစိုးရသစ်အ နေဖြင့် စိန်ခေါ်မှုမှန်သမျှကို ရဲရဲရင်ဆိုင်ဖြေရှင်းရန် ဖလားဝါးနယူးစ် ဂျာနယ်မှ တိုက်တွန်း ရေးသားအပ်ပေသည်။                           

အယ်ဒီတာ

#theflowernews

Rate this item
(0 votes)
M ဘွယ်

M-Bwel (Online Editor)

Login to post comments
back to top
adv

adv

FacebookG+TwitterRSS