Main menu
HOT NEWS
adv

မြို့ပြဖွံ့ဖြိုးမှု အတွက် လိုအပ်ချက်တွေကို ကွက်လပ်ဖြည့်ပါ

မြို့ပြနှင့် ကျေးလက်ဒေသသည် စဉ်ဆက်မပြတ် ဆက်နွှယ်နေသည်။ မြို့ပြဒေသများ၏ ဖွံ့ဖြိုးတိုးတက်မှုကြောင့် ကျေးလက်ဒေသမှ လူငယ်လူရွယ်များ အလုပ်အကိုင် အခွင့်အလမ်းသာသည့် မြို့ပြဒေသ သို့ ပြောင်းရွှေ့ရောက်ရှိလာကြသည်။ ယင်းတို့ အဆင်ပြေမှုရှိသည်နှင့်အမျှ ကျေးလက်ဒေသမှ မိသားစုများ၏ လူနေမှု ဘဝသည်လည်း တိုးတက်လာသည်။

နိုင်ငံ၏ စီးပွားရေးဖွံ့ဖြိုးတိုးတက်လာခြင်း၏ ပြယုဂ်သည် မြို့ပြဖွံ့ဖြိုးတိုးတက်လာခြင်းကြောင့်ဟု သုတေသီပညာရှင် တချို့က အဆိုအမိန့်ပြုကြသည်။ မြို့ပြ ဒေသ၏ ဖွံ့ဖြိုးတိုးတက်မှုကြောင့် ကျေးလက်နေလူငယ်များ မြို့ပြသို့ လာရောက်အလုပ်လုပ်ကိုင်ရာမှရရှိသည့် ပို့ငွေများကြောင့် မိသားစုများ၏ နေအိမ်အဆောက် အအုံအသစ် ပြန်လည် တည်ဆောက်လာနိုင်ကြသည်။ အသုံးအဆောင်ပစ္စည်းများမှအစ ခေတ်နှင့်အညီ သုံးစွဲလာနိုင်ကြသည်။ ထို့အတူ ကျေးလက်နေပြည်သူများ၏ ပညာရေး၊ ကျန်းမာရေး၊ လူမှုရေးမှအစ လယ်ယာလုပ်ငန်းများကို ဖွံ့ဖြိုးတိုးတက်လာစေသည်။ အထူးသဖြင့် ကျေးလက်ဒေသ၏ ဆင်းရဲနွမ်းပါးမှုပြဿနာ လျော့ကျစေရန် မြို့ပြဒေသ၏ဖွံ့ဖြိုးမှုက များစွာ အထောက်အကူပြုပေသည်။

မြို့ပြသို့ ပြောင်းရွှေ့နေထိုင်သူများ၏ အဓိကရည်ရွယ်ချက်မှာ အလုပ်အကိုင်ရရှိရေးပင် ဖြစ်သည်။ ယနေ့ ကျေးလက်ဒေသတွင် နေထိုင်သည့် လူငယ်လူရွယ် များသည် ခေတ်နှင့်အညီ နည်းပညာနယ်ပယ်တွင် စီးမျောရင်း မြို့ပြဒေသများသာမက နိုင်ငံတကာနှင့်ပါ ဆက်သွယ်လာနိုင်ကြသည်။ မြို့ပြဒေသများ၏ ဖွံ့ဖြိုးတိုး တက်မှုကြောင့် ကျေးလက်ဒေသထွက်ကုန်များ ဝယ်လိုအား၊ ရောင်းလိုအား မြင့်တက်လာသည်။ ယင်းအတွက် ကျေးလက်ဒေသရှိ ပြည်သူ အများအတွက် ဆင်းရဲ နွမ်းပါးမှု လျှော့ချရေးအတွက် များစွာ အထောက်အကူပြုရာ ရောက်ပေသည်။

ယင်းအတွက် နိုင်ငံတော်အစိုးရအနေဖြင့် မြို့ပြဖွံ့ဖြိုးရေးစီမံကိန်းများကို စနစ်တကျ တိုးချဲ့ဆောင်ရွက်ရန် လိုအပ် လာပြီဖြစ်သည်။ ယခင် မြို့ပြစီမံကိန်းများ တွင် မြို့နယ်အလိုက် ပန်းခြံများ၊ ဘောလုံးကွင်းများ၊ ကလေးကစားကွင်းများ ရှိခဲ့သော်လည်း ယခုအခါ အများပိုင်မှ ခရိုနီပိုင် အဆောက်အအုံများအဖြစ် ပြောင်းလဲ သွားသည့် ပြဿနာများလည်း ရှိသည်။

ယင်းအတွက် ဆက်လက်တိုးပွားလာမည့် မြို့ပြစီမံကိန်းတွင် မဖြစ်မနေ ပါဝင်ရမည့် ပန်းခြံများ၊ ဘောလုံးကွင်းများနှင့် ကလေးကစားကွင်းများ မဖြစ်မနေ ထည့်သွင်းရမည်ဖြစ်ပြီး လက်ရှိ ရှိနေသော ပြည်သူလူထု အပန်းဖြေရာနေရာများကို အစဉ်အလာမပျက် ထိန်းသိမ်းကာကွယ် စောင့်ရှောက်ရန် လိုအပ်မည်ဖြစ်သည်။ ထို့အတူ မြို့ပြဒေသများသည် လူဦးရေထူထပ်များပြားသဖြင့် ပြည်သူလူထုမှာ စိတ်မွန်းကျပ်မှုဒဏ်ကို ခံစားနေကြရသည်။ နိုင်ငံတော်အစိုးရအနေဖြင့် မြို့ပြ ဒေသဖွံ့ဖြိုးမှုအတွက် စီမံကိန်းများ ချမှတ်ဆောင်ရွက်ရာတွင် ရေသန့်ရှင်းမှု၊ ရေဆိုးမြောင်းများ၊ မိလ္လာသန့်ရှင်းမှုစနစ်တို့အပြင် ပြည်သူလူထု အပန်းဖြေရာပန်းခြံများကို စနစ်တကျ ထိန်းသိမ်းစောင့်ရှောက်ရန် လိုအပ်ချက်မှာ ကွက်လပ်တစ်ခုသဖွယ် ဖြစ်နေသည်ကို အထူးသတိပြုရန်လိုအပ်ကြောင်း တိုက်တွန်းအပ်ပေသည်။

အယ်ဒီတာ(Flower News Journal)

Read more...

ဆေးဝါးအတုအန္တရာယ် ကြိုတင်ကာကွယ်ကြပါစို့

မြန်မာနိုင်ငံသူနိုင်ငံသား အများစုသည် ဆေးရုံဆေးခန်းများတွင်ပြသရန် အလွန်ဝန်လေးကြသည်။ အလိုလိုနေရင်း ကြောက်ရွံ့နေကြသည်။ ကျေးလက်နေ တောင်သူလယ်ယာဦးကြီးအများစု မှာ ဆေးရုံ၊ ဆေးခန်းများ တွင် ပြသခြင်းမရှိဘဲ သေဆုံးကြရသည်။ ထို့အတူ မြို့နေလူတန်းစား အချို့လည်း နားလည်တတ်ကျွမ်းသည့် ဆရာဝန်၊ ဆရာမများနှင့် ပြသလေ့မရှိဘဲ ဆေးဆိုင်၊ ကွမ်းယာဆိုင်များမှ စပ်ဆေးများဖြင့် ရောဂါဝေဒနာ များကို ကုသနေကြသည်က များသည်။

Read more...

လူမှာကတိ မင်းမှာသစ္စာ(အယ်ဒီတာ့အာဘော်)

မစ္စတာကိုဖီအာနန်သည် ကုလသမဂ္ဂ အထွေထွေအတွင်းရေးမှူးချုပ်၏ တာဝန်ပေးချက်အရ အထူးကိုယ်စားလှယ်တာဝန်ဖြင့် ၁၉၉၄ခုနှစ် မတ်လတွင် စတင်၍ ယူဂိုဆလားဗီးယား ပြည်ထောင်စု ငြိမ်းချမ်းရေးဆိုင်ရာ ကိစ္စများကို အောင်မြင်စွာ ဖြေ ရှင်းနိုင်ခဲ့ပြီးနောက် ၁၉၉၇ ခုနှစ် မှ ၂ဝဝ၆ ခုနှစ်အထိ ကုလသမဂ္ဂ၏ အထွေထွေအတွင်းရေးမှူးချုပ် တာဝန်များကို တာဝန် ထမ်း ဆောင်ခဲ့သူဖြစ်သည်။

Read more...

လမ်းစဉ်နှင့် ပဋိပက္ခ

ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံညီလာခံကို မကြာမီကျင်းပတော့မည်ဖြစ်သည်။ အဆိုပါညီလာခံကို နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ခေါင်းဆောင်သော ပြည်ထောင်စုငြိမ်းချမ်းရေးကော်မရှင် က ဦးဆောင်ကျင်းပခြင်း ဖြစ်သည်။ ၂၁ ရာစုပင်လုံညီလာခံသို့ တပ်မတော်၊ တိုင်းရင်းသားလက်နက်ကိုင်အဖွဲ့များ၊ အနိုင်ရပါတီများ၊ အနိုင်မရသည့်ပါတီကိုယ်စားလှယ်များနှင့် နိုင်ငံတကာမှ သံတမန်များအား ဖိတ်ကြားမည်ဟု ကနဦးသတင်းများ အရ သိရသည်။ အထူးဧည့်သည်တော်အဖြစ် ကမ္ဘာ့ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်း တက်ရောက်မည်ဟု ဆိုသည်။
 
မြန်မာနိုင်ငံ၏ နယ်စပ်ဒေသရှိ တိုင်းရင်းသားလက်နက်ကိုင်အဖွဲ့များနှင့် တပ်မတော်တို့၏ တိုက်ပွဲများကြောင့် တပ်မတော် သားများ၊ တိုင်းရင်းသား လက်နက်ကိုင်အဖွဲ့များအပါအဝင် တိုင်းရင်းသားပြည်သူများ၏ အသက်သွေးချွေးများစွာကို ပေးဆပ်ခဲ့ရပြီး ဖြစ်သည်။ လက်နက်တိုက်ပွဲများကြောင့် နေရပ်ကိုစွန့်ခွာကာ စစ်ဘေးရှောင်ဒုက္ခသည်စခန်းများသို့ ရောက်ရှိနေသည့် တိုင်းရင်းသား ညီအစ်ကိုမောင်နှမများမှာလည်း ဒုနှင့်ဒေး ရှိသည်။ ယင်းတို့မှာ ဆင်းရဲဒုက္ခများစွာ ခါးစည်းခံရင်း မိကွဲဖကွဲနှင့် လူမှုဒုက္ခများကို ခံစားနေကြရသည်မှာ ယနေ့တိုင်ပင်ဖြစ်သည်။
 
နယ်စပ်ဒေသရှိ တိုင်းရင်းသား ညီအစ်ကိုမောင်နှမများအနေဖြင့် ၂၁ ရာစုပင်လုံညီလာခံကြီး အောင်မြင်စေကြောင်း ဆုတောင်းနေကြသကဲ့သို့ ပြည်သူပြည်သားအပေါင်းတို့ကလည်း ကြိုဆိုထောက်ခံပွဲများ ကျင်းပ၍ ဆုတောင်းထောမနာပြုလျက် ရှိကြပေသည်။ ထို့ပြင် ပြည်ထောင်စုငြိမ်းချမ်းရေးညီလာခံမတိုင်မီ ညီညွတ်သောတိုင်းရင်းသားလူမျိုးများဖက်ဒရယ်ကောင်စီ(UNFC) အပါအဝင် တိုင်းရင်းသားလက်နက်ကိုင်အဖွဲ့များ အကြိမ်ကြိမ် တွေ့ဆုံညှိနှိုင်းခဲ့ကြသည်။ ထို့အတူ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ခေါင်းဆောင်သော ပြည်ထောင်စုငြိမ်းချမ်းရေးကော်မရှင်(UPDJC)ကလည်း တိုင်းရင်းသားလက်နက်ကိုင် အဖွဲ့အစည်းများ ပါဝင်ရေးမူကို ချမှတ်ထားသည်။
 
ပြည်ထောင်စုငြိမ်းချမ်းရေးညီလာခံ ကျင်းပရာတွင် တစ်နိုင်ငံလုံး အပစ်အခတ်ရပ်စဲရေးသဘောတူစာချုပ်(NCA)လက်မှတ် ရေးထိုးထားသည့် တိုင်းရင်းသားလက်နက်ကိုင်အဖွဲ့အစည်းများအပြင် လက်မှတ်ရေးထိုးမထားသည့် တိုင်းရင်းသားလက်နက်ကိုင် အဖွဲ့အစည်းများလည်း ပါဝင်တက်ရောက်မည်ဖြစ်သည်။ အထူးသဖြင့် တိုင်းရင်းသားလူမျိုးများဖက်ဒရယ်ကောင်စီ(UNCF), JUDPN အဖွဲ့ ခုနစ်ဖွဲ့ 'ဝ'(UWSA)နှင့် မိုင်းလားအဖွဲ့များလည်း တက်ရောက်မည်ဖြစ်သည်။ နာဂလက်နက်ကိုင်အဖွဲ့အစည်းမှ လေ့လာသူအဖြစ် တက်ရောက် မည်ဖြစ်သည်။
 
သို့သော် မဟာမိတ်သုံးဖွဲ့ဖြစ်သည့် ရက္ခိုင့်အမျိုးသားအဖွဲ့ချုပ်(AA)၊ မြန်မာနိုင်ငံ အမှန်တရားနှင့် မျှတမှုအမျိုးသားပါတီ (MNTJP/ MNDAA)နှင့် ပလောင်ပြည်နယ်လွတ်မြောက်ရေးတပ်ဦး(PSLF/TNLA)တို့မှာ ငြိမ်းချမ်းရေးကော်မရှင်အဖွဲ့မှ တောင်း ဆိုထားသည့် ''လက်နက်ကိုင်လမ်းစဉ်ကို အပြီးတိုင်စွန့်လွှတ်၊ ချုပ်ငြိမ်းလိုသည့်ဆန္ဒ အပြည့်အဝရှိပါသည်''တောင်းဆိုချက်အား ယင်း မဟာမိတ်သုံးဖွဲ့မှ လက်နက်ပဋိပက္ခကို အပြီးတိုင်ချုပ်ငြိမ်းရန် ဆန္ဒရှိပါသည်ဆိုသည့် ထုတ်ပြန်ချက်ကိုသာ ထုတ်ပြန်ပေးနိုင်မည်ဟု ဆိုသည်။ ယင်းအချက်မှာ ပြည်ထောင်စုငြိမ်းချမ်းရေးညီလာခံသို့ လက်နက်ကိုင်လမ်းစဉ်နှင့် ပဋိပက္ခစကားရပ် ကွဲလွဲမှုကြောင့် တိုင်းရင်းသား လက်နက်ကိုင်အဖွဲ့အစည်းများအားလုံး ပါဝင်နိုင်ရေးမှာ မရေရာမသေချာဖြစ်နေသည်။ ယင်းအတွက် လမ်းစဉ်နှင့် ပဋိပက္ခစကားရပ်အား ပြေလည်စွာ ညှိနှိုင်းဆောင်ရွက်နိုင်ပါစေဟု ဆုမွန်ကောင်းတောင်းအပ်ပါသည်။
 
အယ်ဒီတာ
Read more...

တန်ဖိုးများကို ပြန်လည်ဖော်ထုတ်ခြင်း

သြဂုတ် ၂၄ ရက်က လှုပ်ခတ်ခဲ့သည့်မြေငလျင်သည် မြန်မာ့အသည်းနှလုံးကို ချေမွှပစ်ခဲ့သည်ကို တွေ့ရသည်။ မြန်မာလူမျိုးတို့၏ ယဉ်ကျေးမှုအထွတ်အထိပ်နေရာဖြစ်သောပုဂံအား အကြီးအကျယ် ထိ ခိုက်ပျက်စီးစေခဲ့သည်ကို တွေ့ရသည်။ ပျက်စီးသွားခဲ့သည့် စေတီပုထိုးများကို သီတဂူဆရာတော်ကြီး လှည့်လည်ကြည့်ရှုဖူးမြော်ပြီး ပြုပြင်မွမ်းမံရန် ကျပ်သိန်းတစ်ရာလှူဒါန်းခဲ့သည်။ နိုင်ငံတော် သမ္မတ ဦးထင်ကျော် ယနေ့(သြဂုတ်၂၅ရက်)တွင် ပုဂံသို့သွားရောက်ခဲ့သည်။ သနာရေးနှင့်ယဉ်ကျေးမှုဝန်ကြီးဌာန၀န်ကြီး သူရဦးအောင်ကိုလည်း ပုဂံသို့သွားသည့် သတင်းတွေ့ရသည်။ ယူနက်စကိုအဖွဲ့လည်း သွားသည်ဟု သိရသည်။

Read more...

620 200

620 200 2

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616

For Information - 09 400471100 , 09 964010191