Main menu
HOT NEWS
adv
အမျိုးသမီး ကဏ္ဍကို ဖွဲ့စည်းပုံ အခြေခံဥပဒေက သွယ်ဝိုက်သော နည်းဖြင့် တားဆီးထား ဟုဆို

အမျိုးသမီး ကဏ္ဍကို ဖွဲ့စည်းပုံ အခြေခံဥပဒေက သွယ်ဝိုက်သော နည်းဖြင့် တားဆီးထား ဟုဆို

ရန်ကုန်

အမျိုးသမီးများ နိုင်ငံရေးတွင် ပါဝင်ပတ်သက်ရန် ၂ဝဝ၈ ဖွဲ့စည်းပုံအခြေခံဥပဒေက သွယ်ဝိုက်သောနည်းဖြင့် ကန့်သတ်ထားခြင်းဖြစ်သည်ဟု ငြိမ်းဖောင်ဒေးရှင်း၏ ဒါရိုက်တာ ဂျာနန်လထော်က ပြောကြားလိုက်သည်။ ဖွဲ့စည်းပုံအခြေခံဥပဒေတွင် ပုဒ်မ ၂၃၂(ခ)(၂) တွင် နိုင်ငံတော်သမ္မတသည် ပြည်ထောင်စုဝန်ကြီးများအဖြစ် ခန့်အပ်တာဝန်ပေးရန် ကာကွယ်ရေးဝန်ကြီးဌာန၊ ပြည်ထဲရေးဝန်ကြီးဌာနနှင့် နယ်စပ်ရေးရာ ဝန်ကြီးဌာန များအတွက် တပ်မတော်ကာကွယ်ရေး ဦးစီးချုပ်ထံမှ သင့်လျော်သည့် တပ်မတော်သားများ၏ အမည်စာရင်းကို ရယူရမည်ဟု ဖော်ပြထားသည်။ ထိုဖော်ပြချက်အား ကိုးကား၍ ၎င်းက ထိုသို့ပြောကြားလိုက်ခြင်းဖြစ် သည်။


''ဒီအချက်ကို ကြည့်ချင်းအားဖြင့် သွယ်ဝိုက်တဲ့နည်းနဲ့ အမျိုးသမီးတွေဟာ အဓိကကျတဲ့ ဝန်ကြီးဌာနတွေမှာ ဦးဆောင်ဆုံးဖြတ်ချက်ချတဲ့ နေရာမှာပါဝင်သင့် အခွင့်အလမ်းကို ကန့်သတ်ထားတဲ့ အနေ အထားတွေလဲ ရှိပါတယ်''ဟု ၎င်းက ပြောသည်။ ထို့အပြင် ဖွဲ့စည်းပုံအခြေခံဥပဒေ ပုဒ်မ ၃၅၂ တွင် နိုင်ငံတော်သည် အလုပ်အကိုင် ခန့်ထားရာတွင် ဖြစ်စေ၊ နိုင်ငံ့ဝန်ထမ်း ရွေးချယ်တာဝန်ပေးရာတွင် ဖြစ်စေ သတ်မှတ်ထားသော အရည်အချင်း ပြည့်စုံ ပါက ပြည်ထောင်စုသမ္မတ မြန်မာနိုင်ငံတော်၏ မည်သည့်နိုင်ငံသားကိုမျှ လူမျိုး၊ ဇာတိ၊ ကိုးကွယ်ရာဘာသာသာသနာ အမျိုးသား၊ အမျိုးသမီးကို အကြောင်း ပြုလျက် ရာထူးရွေးချယ် ခန့်ထားခြင်း ကို ခွဲခြားခြင်း မပြုရ။ သို့ရာတွင် အမျိုးသားများနှင့်သာ လျော်ကန်သင့်မြတ်သည့် ရာထူးတာဝန်များအတွက် အမျိုးသားများအား ရွေးချယ်ခန့်ထားခြင်းကို ဤပုဒ်မအရ အဟန့်အတားမဖြစ်စေရဟု ဖော်ပြထားသည်။


ဂျာနန်လထော်က ''အမျိုးသမီးတွေ နိုင်ငံရေး နယ်ပယ်မှာ ပါဝင်ခွင့်ကို သွယ်ဝိုက်တဲ့နည်းနဲ့ အကန့်အသတ်တွေလဲ ရှိသေးတယ်ဆိုတော့ ဒါဟာ ဥပဒေမှာကိုက မြန်မာနိုင်ငံကို ဘယ်လိုတည်ဆောက်မယ် ဆိုတာကို ဖွဲ့စည်းပုံအခြေခံမှာကိုက သွယ်ဝိုက်တဲ့ နည်းလမ်း ကန့်သတ်မှုတွေလဲ ရှိနေတယ်ဆိုတာ တွေ့ ရတယ်''ဟု ဆက်လက် ပြောဆိုသည်။ မြန်မာနိုင်ငံ၌ အမျိုးသမီးများ အခန်းကဏ္ဍ တွင် ရာခိုင်နှုန်း ၃ဝ ပါဝင်ရန် တောင်း ဆိုနေခြင်းဖြစ်သည်။ ၂ဝ၁၅ ခုနှစ် ရွေးကောက်ပွဲတွင် အမျိုးသမီး လွတ်တော်ကိုယ်စားလှယ်များ ပါဝင်လာသော်လည်း ရာခိုင်နှုန်း ၃ဝ ပြည့်မီခြင်း မရှိသေးပေ။ ထို့အပြင် ငြိမ်းချမ်းရေး လုပ်ငန်းစဉ်များတွင်လည်း အမျိုး သမီး များအား တာဝန်ပေးအပ်မှု နည်းနေသေးသည်ဟု အမျိုးသမီးအရေး တောင်းဆိုသူများက ပြောသည်။

အောင်ထူးနိုင်

#theyangontimes

Rate this item
(0 votes)
M ဘွယ်

M-Bwel (Online Editor)

Login to post comments
back to top
adv

adv

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616