HOT NEWS
Main menu
adv
သီတဂူ ဆရာတော်ကြီး၏ ကြေးခေါင်းလောင်းကြီးကို လာမည့်လအပြီး သွန်းလုပ်မည်ဖြစ်ပြီး ဆရာတော်ကြီး ထပ်မံရရှိသည့်  'အဘိဓဇမဟာရဋ္ဌဂုရု' ဘွဲ့ပါ ရေးထိုး မှတ်တမ်းတင်မည်

သီတဂူ ဆရာတော်ကြီး၏ ကြေးခေါင်းလောင်းကြီးကို လာမည့်လအပြီး သွန်းလုပ်မည်ဖြစ်ပြီး ဆရာတော်ကြီး ထပ်မံရရှိသည့် 'အဘိဓဇမဟာရဋ္ဌဂုရု' ဘွဲ့ပါ ရေးထိုး မှတ်တမ်းတင်မည်

ရန်ကုန်

သီတဂူဆရာတော်ကြီး၏ ကြေးခေါင်းလောင်းကြီးကို ဖေဖော်ဝါရီလအတွင်း အပြီးသွန်းလောင်းမည်ဖြစ်ပြီး ဆရာတော်ကြီး ထပ်မံရရှိသည့် သာသနာရေးဆိုင်ရာ အမြင့်ဆုံးဘွဲ့ 'အဘိဓဇမဟာရဋ္ဌဂုရု' ပါ မှတ်တမ်း တင်ရေး ထိုးသွားမည်ဖြစ်ကြောင်း ကြေးသွန်းပညာရှင်ထံမှ သိရသည်။ ၂ဝ၁၇ ခုနှစ် ဇန်နဝါရီလအတွင်း ရရှိခဲ့သည့် အဆိုပါဘွဲ့ကို ဆရာတော်ကြီး၏ဘဝ ဖြစ်စဉ်နှင့်အတူ ကြေးခေါင်းလောင်းကြီး မျက်နှာပြင်တွင် မှတ် တမ်းတင်ရေးထိုးထားမည်ဖြစ်သည်။


''သီတဂူဆရာတော်ကြီးက အသက်(၈ဝ)ပြည့်မွေးနေ့အထိမ်းအမှတ်အဖြစ် သီတဂူ ကြေးခေါင်းလောင်းကြီးကို အပ်နှံခဲ့တာဖြစ်ပါတယ်။ ကြေးပိဿာချိန် ၈ဝဝဝ ပါဝင်တယ်။ ကြေးခေါင်းလောင်းအကြီးထဲမှာ ပါဝင် တယ်။ ဖေဖော်ဝါရီလဆန်းလောက်မှာ စစ်ကိုင်းတောင်ရိုးမှာချိတ်နိုင်အောင် အပြီးဆောင်ရွက်နေပါတယ်။ ဒီနေ့ကတော့ ကြေးသွန်းမယ့်နေ့ဖြစ်ပါတယ်။ ဆရာတော်ကြီး အသစ်ရရှိတဲ့ 'အဘိဓဇမဟာရဋ္ဌဂုရု'ဘွဲ့ပါ ရေး ထိုးသွားဖို့ရှိပါတယ်''ဟု ကြေးသွန်းပညာရှင် တမ္ပဝတီဦးဝင်းမောင်ကပြောသည်။ မန္တလေးတိုင်းဒေသကြီး တမ္ပဝတီရပ်ရှိ ကြေးသွန်းပညာရှင်များ၊ ကြေးသွန်းကျွမ်းကျင်သူများစုပေါင်းပြီး သွန်းလုပ်ပေးနေခြင်း ဖြ စ်ကြောင်း သိရသည်။


''အခက်အခဲကတော့ သိပ်မရှိပါဘူး။တမ္ပဝတီရပ်က ကြေးသွန်းလုပ်ငန်းလုပ်လာတာ နှစ်ပေါင်း ၂ဝဝ လောက်ကြာပြီဆိုတော့ အဆင်ပြေပါတယ်။ ကြေးဖို ၂၂ ဖိုနဲ့ လုပ်နေပါတယ်။ ကျွန်တော်အပါအဝင် ကြေးသွန်း ပညာရှင်သုံးယောက် ဦးစီးပြီး ကြေးသွန်းသူ ၂ဝဝ ခန့်နဲ့ ဆောင်ရွက်နေပါတယ်''ဟု ယင်းက ဆက်လက်ပြောသည်။ ကြေးသွန်းခေါင်းလောင်းကြီး ပြီးစီးသွားပါက စစ်ကိုင်းတောင်ရိုး အပြည်ပြည်ဆိုင်ရာ ဝိပဿနာ အကယ်ဒမီတွင် ထားရှိသွားမည် ဖြစ်ကြောင်းနှင့် ကြေးခေါင်းလောင်းကြီးသည် ဂွင်းမပါ အမြင့်ရှစ်ပေ၊ ပိဿာချိန် ၈ဝဝဝ ရှိပြီး လွတ်လပ်ရေးရပြီးခေတ်တွင် သွန်းလုပ်သည့် အကြီးဆုံးကြေးခေါင်းလောင်း သုံးခုထဲ တွင် ပါဝင်ကြောင်း သိရသည်။

သူသူထက်လွင်

#theyangontimes

Rate this item
(0 votes)
M ဘွယ်

M-Bwel (Online Editor)

Login to post comments
back to top
adv

adv

FacebookG+TwitterRSS