Main menu
HOT NEWS
adv
UNFC နှင့် ငြိမ်းချမ်းရေးခရီး

UNFC နှင့် ငြိမ်းချမ်းရေးခရီး

ညီညွှတ်သောတိုင်းရင်းသားလူမျိုး များဖက်ဒရယ်ကောင်စီ UNFC ကို ၂ဝ၁၁ ခုနှစ် ဖေဖော်ဝါရီ ၁၂ ရက်မှ ၁၆ ရက်အထိ ကျင်းပခဲ့သော တိုင်းရင်းသားများညီလာခံ တွင် စတင်ဖွဲ့စည်းခဲ့ပြီး သမ္မတဟောင်း ဦးသိန်းစိန်အစိုးရနှင့် ငြိမ်းချမ်းရေးဆွေး နွေးမှုများ ပြုလုပ်ခဲ့သည်။ စတင်ဖွဲ့စည်းစဉ်က ကချင် လွတ်မြောက်ရေးအဖွဲ့ KIO/KIA၊ ကရင် အမျိုးသားအစည်းအရုံး KNU၊ မွန်ပြည် သစ်ပါတီ NMSP၊ ကရင်နီအမျိုးသား တိုးတက်ရေးပါတီ KNPP၊ ပအိုဝ့်အမျိုး သားလွတ်မြောက်ရေးအဖွဲ့ PNLO၊ ချင်း အမျိုးသားတပ်ဦး CNF၊ ရှမ်းပြည်တိုး တက်ရေးပါတီ SSPP/SSA၊ လားဟူ ဒီမိုကရက်တစ်အစည်းအရုံး LDU၊ 'ဝ' အမျိုးသားအဖွဲ့ WNO၊ ရခိုင်အမျိုးသား ကောင်စီ ANC၊ ပလောင်ပြည်နယ် လွတ် မြောက်ရေးတပ်ဦး PSLF/TNLA၊ ကိုး ကန့်ဒီမိုကရေစီမဟာမိတ်တပ်ဖွဲ့ MNDAA တို့ဖြင့် ဖွဲ့စည်းခဲ့ရာ အင်အားတောင့် တင်းသော တပ်ပေါင်းစုအနေဖြင့် ရပ် တည်ကာ အစိုးရအား တွေ့ဆုံဆွေးနွေး လာခဲ့သည်။

၂ဝ၁၅ ခုနှစ်အရောက်တွင် KNU သည် အဖွဲ့အတွင်း တာဝန်ခွဲဝေမှုအပေါ် မကျေလည်ခြင်းကြောင့် မိမိသဘောဆန္ဒအလျောက် အဖွဲ့ဝင်အဖြစ်မှ နုတ်ထွက်ခဲ့ပြီး CNF နှင့် PNLO တို့ကို မူ ၂ဝ၁၅ ခုနှစ် အောက်တိုဘာ ၁၅ ရက် မှာ NCA လက်မှတ်ထိုးလိုက်ခြင်းကြောင့် UNFC က အဖွဲ့ဝင်အဖြစ်မှ ယာယီရပ် ဆိုင်းကြောင်း ကြေညာခဲ့သည်။

အလားတူ PSLF/TNLA နှင့် MNDAA တို့ကလည်း ရှမ်းပြည်နယ် မြောက်ပိုင်းတွင် တပ်မတော်နှင့် ၂ဝ၁၅ ခုနှစ် ဖေဖော်ဝါရီ ၉ ရက်က တိုက်ပွဲများ အပြင်းအထန်ဖြစ်ပွားခဲ့သလို တပ်မတော်မှ ငြိမ်းချမ်းရေးလုပ်ငန်းစဉ်အတွင်း ၄င်းတို့အား ပါဝင်ခွင့်မပြုခြင်းအပေါ် UNFC သည် မည်သို့မျှ ကြားဝင်စေ့စပ် ညှိနှိုင်းပေးနိုင်ခြင်းမရှိသဖြင့် အဖွဲ့ဝင်အဖြစ်က နုတ်ထွက်ကြောင်း စာတင်ခဲ့သည်။

ထို့ပြင် AA ကလည်း UNFC အဖွဲ့ဝင်အဖြစ် လျှောက်ထားနေခြင်းက ရပ်ဆိုင်းခဲ့ပြီး TNLA, MNDAA, AA ပူးပေါင်း၍ မြောက်ပိုင်းမဟာမိတ်အဖွဲ့ကို ဖွဲ့စည်းကာ စစ်ရေး၊ နိုင်ငံရေးကို လက်ရှိ အချိန်အထိ ဆောင်ရွက်လျက်ရှိသည်။

ယခုအခါတွင် KIO နှင့် WNO တို့က ထပ်မံနုတ်ထွက်မည်ဖြစ်ကြောင်း စာတင်လာခြင်းကြောင့် UNFC အခန်းကဏ္ဍ မှေးမှိန်လာကာ တချို့က ပျောက် ကွယ်သွားနိုင်သည့် အခြေအနေတစ်ရပ် အထိပင် ဖြစ်သွားနိုင်ကြောင်း သုံးသပ် ပြောဆိုနေကြသည်။

UNFC သည် ရည်ရွယ်ချက် လေးချက်ကို ချမှတ်ကာ ငြိမ်းချမ်းရေးလုပ် ငန်းစဉ်အား ဆောင်ရွက်လျက်ရှိသည်။ ထိုရည်ရွယ်ချက်လေးချက်မှာ စစ်မှန်သော တိုင်းရင်းသားစည်းလုံးညီညွတ်ရေးကို တည်ဆောက်ရန်၊ အဓွန့်ရှည်တည်တံ့ ခိုင်မြဲသောငြိမ်းချမ်းရေးကို တည်ဆောက် ရန်၊ စစ်မှန်သော ပါတီစုံဒီမိုကရေစီစနစ် ကို ဖော်ဆောင်ရန်၊ တိုင်းရင်းသားလူမျိုး များအားလုံး ထာဝစဉ်ငြိမ်းချမ်းစွာ အတူ ယှဉ်တွဲ ပူးပေါင်းနေထိုင်သွားနိုင်ရန်အတွက် လွတ်လပ်မှု၊ တရားမျှတမှုနှင့် တန်း တူမှုရှိသော ဖက်ဒရယ်ပြည်ထောင်စုကို တည်ဆောက်ရန်တို့ဖြစ်သည်။

တော်လှန်ရေးလုပ်ငန်းစဉ် အနေဖြင့်လည်း ၄င်းတို့က မဟာဗျူဟာ တော်လှန်ရေးလမ်းစဉ်သည် နိုင်ငံရေးနှင့် စစ်ရေးကို ဟန်ချက်ညီညီ ကျင့်သုံးသွား မည်။ ငြိမ်းချမ်းစွာ တွေ့ဆုံဆွေးနွေးအဖြေ ရှာရေးအတွက် အစဉ်အမြဲ တံခါးဖွင့်ထား သည်ဟုလည်း ဆိုထားသည်။

အဖွဲ့အစည်းအတွင်း အင်အား ကြီးလက်နက်ကိုင်အဖွဲ့များ မရှိတော့ သော်လည်း UNFC သည် ငြိမ်းချမ်းရေး လုပ်ငန်းစဉ်ကို ကျန်အဖွဲ့များဖြင့် ၄င်းတို့ ချမှတ်ထားသော ရည်ရွယ်ချက်များ ပြည့်မီ ရေးအတွက် ဆက်လက်ဆောင်ရွက်နေ ပြီး အစိုးရဘက်ကလည်း အသိအမှတ်ပြု ထားဆဲဖြစ်၍ တည်ငြိမ်သောခြေလှမ်းများ နှင့် ငြိမ်းချမ်းရေးလုပ်ငန်းစဉ်များအား ဖော်ဆောင်နေဆဲဖြစ်သည်။

၂ဝ၁၇ ခုနှစ် ဇွန်လ စတုတ္ထပတ် ထဲတွင်  UNFC သည် ညီလာခံတစ်ရပ်ကို ကျင်းပသွားမည်ဖြစ်ပြီး ထိုညီလာခံသို့ NCA ထိုးထားသောအဖွဲ့များအပါအဝင် အဖွဲ့ဝင်အဖြစ်မှ နုတ်ထွက်ကြောင်း စာတင်ထားသူများနှင့် အဖွဲ့ဝင်မဟုတ်သော လက်နက်ကိုင်အဖွဲ့များအားလုံးကို ဖိတ် ကြားမည်ဟု ဆိုထားသည်။

အဆိုပါညီလာခံတွင် NCA ထိုးနိုင်ရေးနည်းလမ်း ရှာဖွေခြင်းအပါအဝင် အဖွဲ့ဝင်အဖြစ်မှ နုတ်ထွက်လိုကြောင်း စာတင်ထားသောအရေးကိစ္စများ၊ အဖွဲ့ဝင်အသစ်များ လက်ခံရေး၊ လက်မခံရေးကိစ္စများ၊ ရှေ့လုပ်ငန်းစဉ်များ ချမှတ်ရေးကိစ္စများ၊ ပြီးခဲ့သည့်ငြိမ်းချမ်းရေးလုပ်ငန်းစဉ်အပေါ် ပြန်လည်သုံးသပ်ရေးကိစ္စများ စသည့်အရေးကိစ္စများကို ဆွေးနွေးကြ မည်ဖြစ်ကြောင်း သိရသည်။

 ''ကျွန်တော်တို့ အဖွဲ့ဝင်အဖြစ် ပြန်ပါဝင်ဖို့ကိစ္စက ကျွန်တော်တို့ကို ဖိတ် လာမယ့်ဖိတ်စာအပေါ် မူတည်ပြီး ဆုံး ဖြတ်မယ်''ဟု UNFC အဖွဲ့ဝင်အဖြစ်မှ ယာယီရပ်ဆိုင်းခံထားရသော ချင်းအမျိုး သားတပ်ဦး ၏ အထွေထွေအတွင်း ရေးမှူး ဆလိုင်းထလာဟေးက ပြောသည်။

လတ်တလောတွင် UNFC တွင် NMSP, KNPP, SSPP, LDU, ANC တို့သာ အဖွဲ့ဝင်အဖြစ် ကျန်ရှိတော့ ခြင်းဖြစ်သည့်အတွက် ယခင်တောင့်တင်း သော တပ်ပေါင်းစုအင်အားမှာ အတော် လေးအင်အားလျော့နည်းသွားခြင်းကြောင့် အဖွဲ့ဝင်အသစ်အဖြစ် လျှောက်ထားနေ သော လက်နက်ကိုင်အဖွဲ့များကို လက်ခံ သွားနိုင်ခြေရှိကြောင်း ကြားရသည်။

 ''UNFC က သီးခြားရပ်တည် တဲ့အဖွဲ့မဟုတ်ဘူး။ အင်အားစုတွေအား လုံး ပူးပေါင်းဆောင်ရွက်ဖို့ ဖွဲ့စည်းထား တာဖြစ်ပါတယ်။ တိုးတက်ပြောင်းလဲလာ တဲ့ နိုင်ငံရေးအခြေအနေနဲ့အညီ အဖွဲ့ဝင် တိုးခြင်း၊ လျော့ခြင်းတွေက ဖြစ်လာနိုင်တယ်''ဟု UNFC မှ တွဲဖက်အတွင်းရေး မှူး(၁) ဦးထွန်းဇော်က ပြောသည်။

UNFC တွင် အဖွဲ့ဝင်အဖြစ် လျှောက်ထားလာသောအဖွဲ့များရှိနေပြီး ထိုအဖွဲ့များမှာ ဇိုမီးပြန်လည်ပေါင်းစည်း ရေးအစည်းအရုံး ၊ ကူကီးအမျိုး သားအစည်းအရုံး ၊ ကချင်အမျိုး သားအစည်းအရုံး တို့ဖြစ်ကြောင်း သိရသည်။

အဖွဲ့ဝင်အသစ်အဖြစ် လျှောက်ထားသောသုံးဖွဲ့အနက် ကချင်အဖွဲ့ KNO သည် UNFC စတင်ဖွဲ့စည်းကတည်းက အဖွဲ့ဝင်အဖြစ် ပါဝင်ခဲ့သော်လည်း KIO/ KIA နှင့်ပေါင်း၍ အဖွဲ့ဝင်အဖြစ် ပါဝင်လာခဲ့ရာ ယခု KIO/ KIA နုတ်ထွက် သွားခြင်းကြောင့် သီးသန့်အဖွဲ့ဝင်အဖြစ် ရပ်တည်ရန် ကြိုးစားလာခြင်းဖြစ်ကြောင်း သိရသည်။

''KNO ကတော့ သူက ပေါ်လာတာကြာပြီ။ KNO က KNO  အစိုးရ နဲ့ ပစ်ခတ်တိုက်ခိုက်မှုရပ်စဲရေးလုပ်ထားတဲ့အချိန်မှာ ပေါ်ပေါက်လာတာဖြစ်တယ်။ ဒီဟာကို ချင်းမိုင်မှာ နိုင်ငံခြားမှာနေတဲ့ ကချင်ပုဂ္ဂိုလ်ကြီး ဘောမ်ဝမ်လရော်ကနေ ဦးဆောင်ပြီးတော့မှလုပ်တာ။ နောက်ကျ တော့ ၂ဝ၁၁ မှာ UNFC ဖွဲ့တော့ အဖွဲ့ ဝင်အဖွဲ့တစ်ခုအဖြစ်ပါတယ်။ ပါတဲ့အခါ ကျတော့ KIO က ကချင်က နှစ်ဖွဲ့မဖြစ်သင့်ဘူး ခင်ဗျားတို့၊ ကျွန်တော်တို့ ပေါင်း ဖို့လိုတယ်ဆိုတဲ့အခါကျတော့ KNO လဲ အဲဒီမှာ KIO နဲ့ ပါသွားတာပေါ့''ဟု RCSS/ SSA အကြံပေး၊ ပြည်ထောင်စုအင်စတီ ကျုမှ ဒါရိုက်တာ ဦးခွန်းဆေက 7 Day သတင်းစာသို့ ပြောကြားထားသည်။

သို့သော် UNFC အနေဖြင့် ထို အဖွဲ့များကို အဖွဲ့ဝင်အသစ်အဖြစ် လက်ခံ ပါက အင်အားအနည်းအငယ် ပြန်လည် တောင့်တင်းလာနိုင်သော်လည်း အစိုးရ နှင့် ငြိမ်းချမ်းရေးစေ့စပ်ညှိနှိုင်းမှုများ ပိုမို ခက်ခဲသွားနိုင်ပါသည်။

အဘယ်ကြောင့်ဆိုသော် အစိုးရ သည် လက်နက်ကိုင် ၁၅ ဖွဲ့ကိုသာ ယခင်က အသိအမှတ်ပြု၍ ငြိမ်းချမ်းရေး ကမ်း လှမ်းခဲ့သော်လည်း UNFC မှ အားလုံး ပါဝင်ရေးမူကို ဆုပ်ကိုင်၍ ANC, WNO, LDU, TNLA, MNDAA, AA တို့အပါ အဝင် ၂၁ ဖွဲ့ကို လက်ခံပေးရန် တောင်းဆို လာရာမှ ၁၅ နှင့် ၂၁ ကိန်းဂဏန်း လွန်ဆွဲ ခဲ့ပြီး ၂ဝ၁၅ ခုနှစ် အောက်တိုဘာ ၁၅ ရက် ဃြဗ လက်မှတ်ထိုးပွဲတွင် ရှစ်ဖွဲ့သာ လက် မှတ်ထိုးခဲ့သည်အထိ ဖြစ်ပေါ်ခဲ့သည်။

ထိုသို့သောအခြေအနေတွင် UNFC မှ အဖွဲ့ဝင်အသစ်များကို ထပ်မံ လက်ခံကာ အစိုးရနှင့် ငြိမ်းချမ်းရေး စေ့စပ် ညှိနှိုင်းလာမည်ဆိုလျှင် အဖွဲ့ဝင်အသစ်များပါ ပါဝင်ခွင့်ပေးရမည်ဆိုလျှင် အစိုးရဘက်က မည်သို့မျှလက်ခံနိုင်မည်မဟုတ်ဘဲ ပြေလည်ရန် နီးစပ်နေသော အဆိုပြု ချက်ကိုးချက်အခြေအနေပါ အလှမ်းဝေး သွားနိုင်ခြေရှိသည်။

အစိုးရသည် နောက်ထပ် လက်နက်ကိုင်အဖွဲ့များကို ပါဝင်ခွင့်ပြုလိုက်ပါက ငြိမ်းချမ်းရေးလုပ်ငန်းစဉ်ပြင်ပမှ လှုပ် ရှားနေသော ရှမ်းနီအမျိုးသားများတပ် မတော် SNA၊ တိုးတက်သော ဗုဒ္ဓဘာသာ ကရင်အမျိုးသားများတပ်မတော်  DKBA (ခွဲထွက်)၊ ပြည်ထောင်စုအမျိုးသားတော်လှန်ရေးတပ်မတော် UNRA/ABSDF  တို့ပါ ထပ်မံတောင်းဆိုလာမည့်အခြေအ နေအဖြစ် ရင်ဆိုင်ကြုံတွေ့လာနိုင်ပါသည်။

အဆိုပါအခြေအနေများကြောင့် UNFC မှ ဆက်လက်လျှောက်လှမ်းမည့် ငြိမ်းချမ်းရေးခရီးမှာ အလွန်စိတ်ဝင်စား စရာကောင်းနေပြီး မည်သည့်ပုံစံဖြင့် ခရီး ရှည်ကြီးကို သွားမည်လဲဆိုခြင်းအပေါ် ၂ဝ၁၇ ခုနှစ် ဇွန်လထဲတွင် ကျင်းပမည့် ညီလာခံအပေါ် စောင့်ကြည့်ရပေတော့ မည်။                            

Rate this item
(0 votes)
Login to post comments
back to top
adv

adv

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616