Main menu
HOT NEWS
adv

မဏ္ဍိုင် တစ်ခုနှင့် တစ်ခု စွက်ဖက်ခြင်းမျိုး မဟုတ်ဘဲ အပြန်အလှန်သာ ထိန်းကျောင်းရမည်ဟု ဦးဝင်းမြင့် ပြော

ရန်ကုန်

မဏ္ဍိုင်သုံးခုသည် တစ်ခုနှင့်တစ်ခု လွှမ်းမိုးခြင်း၊ ဝင်ရောက်စွက်ဖက်ခြင်းမျိုး ပြု လုပ်၍မရဘဲ အပြန်အလှန်သာ ထိန်းကျောင်းရမည်ဟု ပြည်သူ့လွှတ်တော်ဥက္ကဋ္ဌ ဦးဝင်းမြင့်က ပြောသည်။ ပြည်သူ့လွှတ်တော်ဥက္ကဋ္ဌ ဦး ဝင်းမြင့်သည် တနင်္သာရီတိုင်းဒေသကြီး လွှတ်တော်ကိုယ်စားလှယ်များအား ၂ဝ၁၇ ခုနှစ် ဇန်န ဝါရီ ၈ ရက် မွန်းလွဲ ၁ နာရီခွဲတွင် ထားဝယ်မြို့ တိုင်းဒေသကြီးအစိုးရအဖွဲ့ ဧည့်ရိပ်သာ အစည်းအဝေးခန်းမ၌ တွေ့ဆုံပြီး ဥပဒေပြုရေး၊ ဒေသဖွံ့ဖြိုးရေး၊ ငြိမ်းချမ်းရေးနှင့် လွှတ်တော်အတွေ့အကြုံများ ရှင်းလင်းရာတွင် ပြောကြားခြင်း ဖြစ်သည်။


ဒီမိုကရေစီ အခွင့်အရေးများရလျှင် တရားဥပဒေစိုးမိုးမှု ရရှိမည်ဖြစ်ပြီး နိုင်ငံသူ၊ နိုင်ငံသားများ၏ ဘဝလုံခြုံမှု၊ စိတ်လုံခြုံမှုရှိမည်ဖြစ်သည်။ တရားဥပဒေစိုးမိုးမှုရှိလျှင် တိုင်းပြည်တည်ငြိမ်အေးချမ်းမည်ဖြစ်ပြီး ပြည်တွင်း ငြိမ်းချမ်းရေး ရရှိမည်ဖြစ်သည်။ ဥပဒေပြုရေး၊ အုပ်ချုပ်ရေး၊ တရားစီရင်ရေး လုပ်ငန်းများ ဆောင်ရွက်ရမည့် မဏ္ဍိုင်ကြီးသုံးရပ်သည် တည်ဆဲဥပဒေများနှင့်အညီ ဆောင်ရွက်ရပြီး ထိုမဏ္ဍိုင်သုံးခုသည် တစ်ခုနှင့်တစ်ခု လွှမ်း မိုးခြင်း၊ ဝင်ရောက်စွက်ဖက်ခြင်းမျိုး ပြုလုပ်၍ မရဘဲ အပြန်အလှန်သာ ထိန်းကျောင်းရမည် ဟု ၎င်းက ပြောသည်။


ဥပဒေပြုရေး၊ အုပ်ချုပ်ရေး၊ တရားစီရင်ရေးတို့ကို တတ်နိုင်သမျှ ပိုင်းခြားသုံးစွဲခြင်း၊ အပြန်အလှန်ထိန်းကျောင်းခြင်းများအား ဖွဲ့စည်းပုံအခြေခံဥပဒေ၊ တည်ဆဲဥပဒေ၊ နည်းဥပဒေများနှင့်အညီ ဆောင်ရွက်ကြရမည် ဖြစ် သည်။ အပြန်အလှန်ထိန်းကျောင်းခြင်း(Check and Balance) ပြုလုပ်သည့်နေရာတွင် ကန့်သတ်ချက် ဘောင်များကို ကျော်လွန်ပြီး ဝင်ရောက်စွက်ဖက်ခြင်းမျိုးမဖြစ်ရန် အထူးသတိ ပြုရန်လိုအပ်သည်။ လွှတ်တော် ကိုယ်စားလှယ်များသည် ဥပဒေပြုသမားများ ဖြစ်သောကြောင့် ဥပဒေချိုးဖောက်သူများမဖြစ်ရန် အထူးသတိ ပြုစေလိုသည်ဟု ၎င်းကဆိုသည်။ ထို့အပြင် ကိုယ်စားလှယ်များအနေဖြင့် မဲဆန္ဒနယ်မြေများ ဖွံ့ဖြိုးတိုး တက်ရေးအတွက် ဖွဲ့စည်းပုံအခြေခံဥပဒေနှင့် မဆန့်ကျင်ဘဲ သက်ဆိုင်ရာ အာဏာပိုင်အဖွဲ့အစည်းများနှင့် ညှိနှိုင်းဆောင် ရွက်ခွင့်ရှိသည်ဟု ၎င်းကဆက်လက်ပြောကြားသည်။ အဆိုပါ တွေ့ဆုံပွဲသို့ တနင်္သာရီ တိုင်း ဒေသကြီး လွှတ်တော်ဥက္ကဋ္ဌ ဦးခင်မောင်အေး၊ ဒုဥက္ကဋ္ဌဦးကြည်စိုး၊ ပြည်သူ့လွှတ်တော်နှင့် အမျိုးသားလွှတ်တော်မှ ကိုယ်စားလှယ်များနှင့် တိုင်းဒေသကြီး လွှတ်တော်ကိုယ်စားလှယ်များ တက်ရောက်ခဲ့ကြသည် ဟု သိရသည်။

အောင်ထူးနိုင်

#theyangontimes

Rate this item
(0 votes)
M ဘွယ်

M-Bwel (Online Editor)

Login to post comments
back to top

620 200

620 200 2

Business Info

The Official Website of Yangon Times Journal and Flower News Journal, Publish by Yangon Media Group Limited.

Mission

The Free Press is a Cornerstone of Democracy.
A Free Press, At its Best, Reveals Truth.

Facebook G+ Twitter RSS

Find Us

တိုက် (ဘီ) အမှတ် (၁၀၁) ၊ မဟာ ဗန္ဓုလတာဝါ ၊ ဗန္ဓုလတံတား အနီး ၊ ပုဇွန်တောင်မြို့နယ် ၊ ရန်ကုန်မြို့  ။

Call: 01 9010073 , 01 9010074 , 01 9010075
IT: 09 540 3616

For Information - 09 400471100 , 09 964010191