HIGHLIGHT NEWS
Main menu

Political News [-- နိုင်ငံရေးသတင်းများ --]

အသေးစားအဂတိလိုက်စားမှုများ မကျဆင်းရခြင်းမှာ ဌာနတွင်းလာဘ်စားမှုများကြောင့်ဟုဆို

အသေးစားအဂတိလိုက်စားမှုများ မကျဆင်းရခြင်းမှာ ဌာနတွင်းလာဘ်စားမှုများကြောင့်ဟုဆို

နေပြည်တော်၊ မေ ၂ဝ - အသေးစားအဂတိလိုက်စားမှုများ မကျဆင်းရခြင်း၏ အဓိကအကြောင်းရင်းတစ်ခုမှာ အရိုး စွဲနေသည့်ဌာနတွင်းလာဘ်စားမှုများကြောင့်ဖြစ်ကြောင်း အဂတိလိုက်စားမှုတိုက်ဖျက်ရေးကော်မရှင်ဥက္ကဋ္ဌ ဦးအောင်ကြည်က ပြောသည်။

မေ ၂ဝ ရက်က ပြည်ထောင်စုလွှတ်တော်အစည်းအဝေးတွင် အဂတိလိုက်စားမှုတိုက်ဖျက်ရေးကော်မရှင်၏ နှစ်ပတ်လည်လုပ်ငန်းဆောင်ရွက်မှုအစီရင်ခံစာနှင့်စပ်လျဉ်း၍ လွှတ်တော်ကိုယ်စားလှယ်များ၏ဆွေးနွေးချက်များအပေါ် ပြန်လည် ရှင်းလင်းရာ၌ ¤င်းက အထက်ပါအတိုင်း ထည့်သွင်းပြောကြားခြင်းဖြစ်သည်။

ထို့ပြင် အောက်ခြေဝန်ထမ်းတို့၏ကျူးလွန်မှုကိုလာရောက်စစ်ဆေးသော အရာရှိကြီးများကိုယ်တိုင်က ဖြစ်ရပ်မှန်အားဖော်ထုတ်အရေးယူရမည့်အစား ကျူးလွန်မှုများပေါ့လျော့အောင် ဖုံးဖိပြုပြင်ပေးနေကြောင်း ၄င်းကပြောသည်။

''မြန်မာနိုင်ငံတွင် အသေးစားအဂတိလိုက်စားမှုများ မကျဆင်းရခြင်း၏အဓိကအကြောင်းရင်းတစ်ခုသည် ရုံးဌာနများတွင် အရိုးစွဲနေသည့် ဌာနတွင်းအဂတိလိုက်စားမှုများကြောင့်ဖြစ်ရတယ်ဆိုတာရှေ့ဖုံးမှ-သိသာထင်ရှားပါတယ်။ ကော်မရှင်၏ စစ်ဆေးတွေ့ရှိချက် များတွင်လည်း အောက်ကနေပြီး တော့ အထက်ကို ပံ့ပိုးပေးမှုများ တွေ့ရှိနေရသလို အောက်ခြေက အကျင့်ဖောက်ပြန်မှုကို ကျူးလွန် တဲ့အခါမှာ အထက်ကလာစစ်ဆေးတဲ့အရာရှိကြီးများ ကိုယ်တိုင်က ဖြစ်ရပ်မှန်ကို ဖော်ထုတ်စစ်ဆေး အရေးယူရမည့်အစား ကျူးလွန် သောအပြစ်များကိုဖုံးဖိပြုပြင်ပေးခဲ့ပြီးတော့မှ ပေါ့လျော့အောင် ပြုလုပ်ပေးခဲ့မှုများကိုလည်း ကော်မရှင်အနေနဲ့ တွေ့ရှိအရေးယူဖို့လုပ်နေတာတွေရှိပါတယ်။ ဒါကြောင့် လွှတ်တော်ကိုယ်စား လှယ်ကြီးများ အနေနဲ့ ကော်မရှင်ကသက်ဆိုင်ရာ ဌာနများသို့ လွှဲပြောင်းပေးသောတိုင်ကြားစာများအပေါ် ယုံကြည် မှုနည်းစေတဲ့ တကယ့်အကြောင်း အရင်းက ဌာနတွင်းအဂတိလိုက် စားမှုများကြောင့် ဖြစ်တယ်လို့ ပြောလိုပါတယ်'' ဟု ၄င်းကပြောသည်။

ဥပဒေအရအဂတိ ပြစ်မှု မြောက်ရန်မှာ ရာထူးတာဝန်အလွဲသုံးစားပြုခြင်းနှင့် အပေးအယူလုပ်ခြင်းဆိုသည့်အချက် ၂ ချက် စလုံးထင်ရှားဖို့လိုသလို ဥပဒေစည်းမျဉ်း စည်းကမ်းလုပ်ထုံးလုပ် နည်း ဖောက်ဖျက်ခြင်းနှင့် ပြည်သူ့ ဘဏ္ဍာငွေ ဆုံးရှုံးခြင်းလည်း ထင်ရှား ရန်လိုကြောင်း ၄င်းကပြောသည်။

အဂတိလိုက်စားမှု တိုက်ဖျက်ရေးကော်ရှင်သည် အဂတိလိုက်စားမှုတိုက်ဖျက်ရေးဥပဒေတစ်ခုတည်းကိုသာ ကိုင်စွဲထားရသည်ဖြစ်၍ ယင်းဥပဒေနှင့်မငြိ လျှင် အခြားမည်သည့်ဥပဒေနှင့်မျှ စွဲဆို၍မရကြောင်း ထို့ကြောင့် ပြည်ထောင်စုဝန်ကြီးဌာန သို့ မဟုတ် တိုင်းဒေသကြီး ပြည်နယ် အစိုးရအဖွဲ့များသို့ လွှဲပြောင်းပေး ရသည့် အမှုတချို့သည် သက်ဆိုင် ရာဥပဒေအရ ဆက်လက် တရား စွဲဆိုနိုင်ရန်အတွက်ဖြစ်ကြောင်း ၄င်း က ဆက်လက်ပြောသည်။

အုပ်ချုပ်ရေးပိုင်းရောစီးပွားရေးလုပ်ငန်းအပိုင်းမှာပါ ၄င်းတို့ လုပ်ဆောင်ချက် ဆုံးဖြတ်ချက်များအတွက် တာဝန်ယူမှုမရှိကြခြင်း၊ ပူး ပေါင်းဆောင်ရွက်ရန် ဆန္ဒမရှိခြင်း ပွင့်လင်းမြင်သာမှုမရှိခြင်းစသည့် တာဝန်ခံမှု စံနှုန်းနိမ့်ကျခြင်းသည် ကော်မရှင်၏စုံစမ်းစစ်ဆေးရေး လုပ်ငန်းများတွင် ကြီးမားသောအ ဟန့်အတားများဖြစ်နေကြောင်း လည်း ဦးအောင်ကြည်က ပြောသည်။

''လုပ်ငန်းခွင် အခက်အခဲ တချို့ကို အခုလိုရှင်းပြနေတာ ကော်မရှင်ရဲ့ တာဝန်ရှိမှုကိုရှောင် လွှဲလိုတဲ့အတွက် မဟုတ်ပါဘူး။ ကျွန်တော်တို့ကတော့ ငုတ်မိသဲတိုင် တက်နိုင်ဖျားရောက်ဆိုသလို ဒီတာဝန်ကိုယူထားပြီး ပြီဆိုမှတော့ ဘယ်လောက်အခက်အခဲရှိရှိဖြစ်နိုင်သည့် နည်းလမ်းတွေအားလုံးကို အသုံးပြုပြီး အဂတိလိုက်စားမှုတိုက် ဖျက်ရေးကိုစိတ်ဆန္ဒပြင်းပြစွာနှင့် ဆက်လက်အရှိန်အဟုန်မြှင့်တင် ဆောင်ရွက်သွားမှာဖြစ်ပါတယ်'' ဟု ၄င်းကပြောသည်။

MO

#DemocracyToday | #YangonMediaGroup

Rate this item
(0 votes)
YMG

back to top