HIGHLIGHT NEWS
Main menu

Political News [-- နိုင်ငံရေးသတင်းများ --]

အကဲဆတ်မှုတွေ ပြည့်နှက်နေတဲ့ နိုင်ငံရေး အခင်းအကျင်းနှင့် ပြည်သူ  

အကဲဆတ်မှုတွေ ပြည့်နှက်နေတဲ့ နိုင်ငံရေး အခင်းအကျင်းနှင့် ပြည်သူ   

ရန်ကုန်

NLD အစိုးရ တက်လာပြီး နောက်ပိုင်းတွင် အစိုးရမှ ၎င်းင်းတို့၏ ဦးစားပေးကဏ္ဍများအတွက် ပြောဆိုမှုများ ပြုလုပ်ခဲ့ကြသည်။ ယင်းတို့အနက် တိုင်းရင်းသားအရေး၊ ပြည်တွင်းငြိမ်းချမ်းရေး၊ အာမခံချက်ပေးနိုင်မည့် ဖွဲ့စည်းပုံအခြေခံဥပဒေတစ်ရပ် ပေါ်ထွန်းရေး၊ ပြည်သူလူထုအားအကာ အကွယ်ပေးနိုင်သည့် အုပ်ချုပ်မှုစနစ် ပေါ် ပေါက်လာရေးတို့လည်း ပါဝင်ခဲ့သည်။ NLD အစိုးရသက်တမ်း နှစ်နှစ်ကျော်ချိန် တွင် သမ္မတဦးထင်ကျော် ရာထူးတာဝန်မှ အနားယူခဲ့ပြီးနောက် လုပ်ရဲကိုင်ရဲရှိသည့် ဦးဝင်းမြင့်သည် ၂ဝ၁၈ ခုနှစ် မတ်လကုန်တွင် နိုင်ငံတော်သမ္မအဖြစ် တာဝန်ယူခဲ့သည်။ သမ္မတဦးဝင်းမြင့်သည် နိုင်ငံတော်သမ္မတအဖြစ် တာဝန်မယူခင်ြီူ အစိုးရသက်တမ်း နှစ်နှစ်အတွင်း ပြည်သူ့လွှတ်တော်ဥက္ကဋ္ဌအဖြစ် တာဝန်ထမ်းဆောင်ခဲ့သေးသည်။ လွှတ်တော်တွင်း ပြတ်သားသည့် ပြောဆိုမှုများ ပြုလုပ်ခဲ့သလိုပင် သမ္မတအဖြစ် တာဝန်ထမ်းဆောင်ပြီး နောက်တွင်လည်း ထိရောက်ပြတ်သားသည့်လုပ်ရပ်များဖြင့် ပေါ်လွင်လာပြန်သည်။

ပြီးခဲ့သည်ကာလအတွင်း ဆောင်ရွက်ချက်များနှင့်ပတ်သက်၍ အားရကျေနပ်သူများရှိ သော်လည်း၊ အားမရသူများ၊ ဝေဖန်ပြောဆိုသူများနှင့် ပုတ်ခတ်ပြောဆိုသူများစွာလည်း ရှိခဲ့ ပေသည်။ ထို့အပြင်  NLD  အစိုးရအနေဖြင့် ပြောဆိုထားသည့် ခရီးလမ်းကြောင်းကို အပြည့် အဝ မရောက်ရှိသေးကြောင်းလည်း ဝေဖန်ပြော ဆိုမှုများ ရှိနေသည်။ ယခု ၂ဝ၁၉ ခုနှစ် နှစ်စ၌ပင် နိုင်ငံရေးနယ်ပယ်အတွင်း အဖြစ်အပျက်ပေါင်းများစွာ ဖြစ်ပေါ်လျက်ရှိပြီး ပါတီသစ် ဖွဲ့စည်းမှုများ၊ အစိုးရအပေါ်သို့ ဝေဖန်မှုများ၊ ဘာသာရေး၊ လူမျိုးရေး၊ ပြည်တွင်းစစ်ရေး မတည်ငြိမ်မှုများ ဖြစ်ပေါ်လျက်ရှိသည်ကို တွေ့မြင်ရသည်။ ၂ဝ၂ဝ ပြည့်နှစ် မကြာမီတွင်ကျင်းပမည့် အထွေ ထွေရွေးကောက်ပွဲအကြို အခင်းအကျင်းအလား ထင်မှတ်ရသည်။ ထိုသို့ နိုင်ငံရေးနယ်ပယ်အတွင်း ရိုက်ခတ် မှုများသည် ပြည်သူများထံသို့ တိုက်ရိုက်ရောက် ရှိနေသည့်အတွက် လက်ရှိနိုင်ငံရေးသည် ထိရှလွယ်သည့် အခြေအနေတွင်ရှိကြောင်း နိုင်ငံ ရေး လေ့လာသုံးသပ်သူများက ဆိုကြသည်။


ထို့ကဲ့သို့ ထိရှလွယ်သည့် အခြေအနေရှိ နေခြင်းကြောင့် နိုင်ငံတော်သမ္မတက မြန်မာ ပြည်သူများအနေဖြင့် ဘာသာရေး၊ လူမျိုးရေးနဲ့ နိုင်ငံရေးပဋိပက္ခ ထောင်ချောက်ထဲကို မဝင်မိရန် သတိပြုဖို့လိုအပ်ကြောင်း ပြောဆိုထားသည်။  ''အစိုးရအနေနဲ့ ဘယ်လိုပဲ စိန်ခေါ်မှုတွေ၊ အခက်အခဲတွေ၊ အကျပ်အတည်းတွေ ရှိနေပါ စေ၊ ပြည်သူလူထုရဲ့ နားလည်စာနာမှု၊ ပူးပေါင်းပါဝင်မှု၊ ကူညီပံ့ပိုးမှုတွေနဲ့ ဒီမိုကရေစီဖက်ဒရယ် ပြည်ထောင်စုခရီးကို ကျော်လွှားအောင်မြင်နိုင်မယ်လို့ အခိုင်အမာယုံကြည်ပါတယ်။ ပြည်သူ လူထုကြီးကလဲ ဘာသာရေး၊ လူမျိုးရေး၊ နိုင်ငံ ရေး ပဋိပက္ခထောင်ချောက်ထဲသို့ မဝင်မိစေရန် ဂရုစိုက်ကြစေလိုပါတယ်။ မိမိတို့အား အာရုံ ပြောင်း လမ်းကြောင်းလွှဲတဲ့ အဖြစ်အပျက်တွေ ကိုလဲ သတိပြုကြစေလိုပါတယ်။ လှုံ့ဆော်ဖန်တီး မှုတွေကိုလဲ စိတ်ခံစားမှုဖြင့် မတုံ့ပြန်မိကြရန် သတိရှိကြစေလိုပါတယ်''ဟု ၎င်းင်းက သတိပေး ပြောဆိုထားသည်။


သမ္မတဦးဝင်းမြင့် တက်လာပြီးနောက်ပိုင်း အစိုးရအဖွဲ့ ဦးစားပေးရည်မှန်းချက် ပန်းတိုင်သုံးခုကို ကြိုးပမ်းဆောင်ရွက်သွားမည်ဟု ပြော ဆိုခဲ့ပြီး အဆိုပါသုံးခုမှာ (၁) တရားဥပဒေစိုးမိုး ရေးနှင့် ပြည်သူများ၏ လူမှုစီးပွားဘဝ တိုးတက် မြင့်မားရေး၊ (၂) အမျိုးသားပြန်လည်သင့်မြတ် ရေးနှင့် ပြည်တွင်းငြိမ်းချမ်းရေး၊ (၃) ဒီမိုကရေစီ ဖက်ဒရယ်ပြည်ထောင်စုကြီး တည်ဆောက်ရေးအတွက် အခြေခံအုတ်မြစ်ဖြစ်သည့် ဖွဲ့စည်းပုံ အခြေခံဥပဒေပြင်ဆင်ရေးတို့ကို ဦးတည်ကြိုး ပမ်းဆောင်ရွက်သွားမည်ဟု ပြောဆိုခဲ့သည်။ လက်ရှိ မြန်မာနိုင်ငံရေးနယ်ပယ်အတွင်း ပြည်သူများအကြား ဝေဖန်မှုများနှင့် တိုက်ခိုက်မှုများစွာ ဖြစ်ပေါ်နေသည့် ကိစ္စရပ်များအနက်တစ်ခုမှာ ဖွဲ့စည်းပုံအခြေခံဥပဒေပြင်ဆင်ရေး ပင် ဖြစ်သည်။ NLD ပါတီ လွှတ်တော်ကိုယ်စား လှယ်များအနေဖြင့် ပြီးခဲ့သည့် ဇန်နဝါရီလမှ စတင်ကာ လွှတ်တော်အတွင်းလမ်းကြောင်းမှ နေ၍ အခြေခံဥပဒေကိုပြင်ဆင်ရန် ကြိုးပမ်း လာကြသည်။


ထိုအချိန်မှစတင်ကာ လွှတ်တော်တွင်း ပွတ်တိုက်မှုများစွာရှိခဲ့သည့်နည်းတူ ပြည်သူလူထုကြားတွင်လည်း ထောက်ခံသူနှင့် ကန့် ကွက်သူဟူ၍ နှစ်ပိုင်းကွဲကာ တစ်ဖက်နှင့်တစ်ဖက် ပုတ်ခတ်မှုများစွာ ဖြစ်ပေါ်ခဲ့သည်။ ''ခြေဥပြင်ဆင်ရေးလုပ်ငန်းစဉ် အလုပ်ဖြစ် ဖို့ ပူးပေါင်းဆောင်ရွက်မှု၊ ညီညွတ်မှု၊ နိုင်ငံသူ၊ နိုင်ငံသားတွေအတွက် ပိုမိုကောင်းမွန်တဲ့အကျိုး စီးပွား ဖြစ်ထွန်းလာနိုင်ရေး လက်တွေ့ကျတဲ့ ပြင်ဆင်ရေးကို ဆုံးဖြတ်တတ်ဖို့ လိုအပ်ပါတယ်။ အချင်းချင်းရန်ဖြစ်နေရုံနဲ့ ယုံကြည်မှုရမလာနိုင်ဘဲ အခြေအနေ ပိုဆိုးသွားနိုင်ပါတယ်''ဟု NLD ပါတီ၏ မိုင်းရှူးမြို့နယ် ပြည်သူ့လွှတ် တော်ကိုယ်စားလှယ် ဦးစိုင်းထွန်းအေးကဆိုသည်။ ထို့အပြင် မြစ်ဆုံစီမံကိန်းကိစ္စနှင့်စပ်လျဉ်း၍လည်း ပြည်သူလူထုအကြား ဝေဖန်မှုများစွာ ဖြစ်ပေါ်လျက်ရှိပြီး အရပ်ဘက် အဖွဲ့အစည်း ၄ဝ ကျော် စုပေါင်း၍ မြစ်ဆုံစီမံကိန်း အပြီးတိုင် ဖျက်သိမ်းရေး နိုင်ငံလုံးဆိုင်ရာ အစည်းအဝေးလည်း ကျင်းပပြုလုပ်ခဲ့ကြသေးသည်။


မြစ်ဆုံစီမံကိန်းသည် တရုတ်နိုင်ငံအပြင် မြန်မာအတွက်ပါ အရေးကြီးသည့် စီမံကိန်းဖြစ် နေသည်။ အဆိုပါစီမံကိန်းနှင့်ပတ်သက်သည့် စာချုပ်အား ယခင်အစိုးရများမှ ချုပ်ဆိုခဲ့ခြင်း ဖြစ်သော်လည်း လက်ရှိအစိုးရက စာချုပ်ကို တာဝန်ခံကြောင်း သမ္မတရုံးပြောခွင့်ရသူ ဦးဇော် ဌေးက ပြောဆိုထားပေသည်။ ၂ဝ၁၅ ခုနှစ် ရွေးကောက်ပွဲအကြိုကာလတွင် ဒေါ်အောင်ဆန်းစုကြည်သည် ကချင်ပြည် နယ် မဲဆွယ်စည်းရုံးရေးခရီးစဉ်သွားရောက်စဉ် NLD ပါတီအနေဖြင့် အစိုးရတာဝန်ယူပြီးပါက မြစ်ဆုံစီမံကိန်းစာချုပ်ကို ဦးစွာတင်ပြမည် ဖြစ်ကြောင်း ပြောဆိုခဲ့ဖူးပေသည်။


ယနေ့အချိန်တွင် မြစ်ဆုံစီမံကိန်းနှင့်စပ် လျဉ်း၍လည်း သတင်းမှားများ၊ သတင်းတုများ ပေါ်ပေါက်လာခြင်းနှင့် ဝေဖန်မှုများ မြင့်တက်လာခြင်းအပေါ် ''ကျွန်တော်တို့ကတော့ နိုင်ငံရဲ့ အရင်းအမြစ်တွေကို အပေးအယူသဘောမျိုး ဘယ်တော့မှမလုပ်ပါဘူး။ နိုင်ငံနဲ့ ပြည်သူရဲ့ ရေရှည်အကျိုးစီးပွားအတွက် နိုင်ငံတော်၏အတိုင်ပင်ခံပုဂ္ဂိုလ် ပြောကြားခဲ့သလို နိုင်ငံရေး၊ စီးပွားရေး၊ လူမှုရေး၊ သဘာဝပတ်ဝန်းကျင်အရေး အဘက်ဘက်ကနေပြီးတော့ အရှည်ကို မျှော်ပြီးတော့ ကျွန်တော်တို့လုပ်မှာဖြစ်ပါတယ်။ ဒီဟာက ကျွန်တော်တို့ အပေးအယူလုပ်ခဲ့တယ် ဆိုတာမျိုးတွေ၊ ဒါတွေဟာ ထင်မြင်ချက်တစ်ခုပဲ ဖြစ်ပါတယ်''ဟု အမျိုးသားဒီမိုကရေစီအဖွဲ့ချုပ်ပါတီ(NLD )၏ ပြောရေးဆိုခွင့်ရှိသူ ဒေါက်တာ မျိုးညွန့်က ဆိုသည်။

 

ယင်းကဲ့သို့ အကြောင်းအရာများအပြင် လက်နက်ကိုင်ပဋိပက္ခ၊ နေရပ်စွန့်ခွာထွက်သွားသူများ ပြန်လည်လက်ခံရေး၊ ဘာသာရေးတင်းမာမှု စသော သတင်းမှားများ၊ သတင်းတုများထွက်ပေါ်နေလျက်ရှိကာ ပြည်သူများအကြား ပျံ့နှံ့လျက်ရှိနေခြင်းကြောင့် သတိထားရမည့် အခြေအနေတွင်ရှိနေပေသည်။ ထို့အပြင် ပြီးခဲ့သည့် ကြားဖြတ်ကာလ အတွင်း အနိုင်ရရှိခဲ့သော ကြံ့ခိုင်ရေးပါတီကိုယ်စားလှယ် ဦးနေမျိုးအောင်ကို  NLD ပါတီမှ ကိုယ်စားလှယ် ဦးသန်းထိုက်အောင်က ရွေး ကောက်ပွဲဥပဒေပုဒ်မ ၆၆ အရ ရွေးကောက်ပွဲ ကော်မရှင်ကို တိုင်ကြားထားမှုနှင့်ပတ်သက်၍ ဆုံးဖြတ်ချက်တစ်ခု ထွက်ရှိလာခဲ့ပြန်သည်။ ကြံ့ခိုင်ရေးပါတီ ကိုယ်စားလှယ်ကို ပယ်ဖျက်ပြီး NLD  ကိုယ်စားလှယ်ကို အနိုင်ပေးကြောင်း ပြည်ထောင်စုရွေးကောက်ပွဲခုံရုံးက ဆုံးဖြတ်ခဲ့ ခြင်း ဖြစ်သည်။ ထိုဖြစ်စဉ်အပေါ်တွင်လည်း ပြည်သူများ စိတ်ဝင်စားမှု မြင့်တက်ခဲ့ကြသည်။


ထိုကဲ့သို့ နိုင်ငံရေးနယ်ပယ်အတွင်း လှုပ်ခတ်မှုများစွာအပေါ် ပြည်သူများအနေဖြင့် နိုင်ငံ ရေးနှင့် ဆက်နွှယ်နေသော သတင်းမှားများ၊ သတင်းတုများကိုလည်း အထူးသတိပြုသင့်ပေသည်။ အနီးစပ်ဆုံး ဆိုရသော် ၂ဝ၂ဝ ပြည့်နှစ် မြန်မာ့နိုင်ငံရေးလမ်းကြောင်းအတွက် ဗိုလ်ချုပ် မှူးကြီး(ငြိမ်း) ဦးသန်းရွှေနှင့် ဒေါ်အောင်ဆန်း စုကြည်တို့ ညှိနှိုင်းမှုဖြင့် စည်းဝါးကိုက်ထားသည် ဆိုသည့် သတင်းအမှားများသည် ပြည်သူများ အကြား ပျံ့နှံ့လျက်ရှိကာ ဝေဖန်မှုများစွာမြင့်ခဲ့ ပြီး လှုပ်ခတ်မှုများစွာရှိခဲ့သည်။ သို့သော် အဆိုပါသတင်းသည် ပြည်သူ လူထုကို အထင်အမြင်လွဲမှားစေရန် ပြုလုပ်ထား ခြင်းဖြစ်ကြောင်း NLD ဘက်မှ ပြန်လည်ချေပခဲ့သည်။


''ဗိုလ်ချုပ်မှူးကြီးသန်းရွှေနဲ့ ဒေါ်အောင် ဆန်းစုကြည် ညှိနှိုင်းထားတယ်ဆိုတာ မဟုတ် ဘူးနော်။ ဒါ ကျွန်တော့်ဆီကထွက်တဲ့သတင်း ကျွန်တော် ပြောတယ်။ ဒါမဟုတ်ဘူး။ ယုန်ထင် ကြောင်ထင်ဖြစ်အောင် လုပ်တာဗျ။ လူထုကို ယုန်ထင်ကြောင်ထင်ဖြစ်စေပြီး ၂ဝ၂ဝ မှာ ကျွန် တော်တို့ ညှိထားတယ်ဆိုတဲ့ဟာ ကျွန်တော်တို့ အတွက်တော့ သက်ရောက်မှုက ကြီးတယ်နော်။ ဒါ မဟုတ်ဘူး။ ဒါပေမဲ့ ကျွန်တော်တို့ ဘာမှ လုပ်လို့မရဘူး။ ဒါမဟုတ်ဘူးဆိုတာတော့ ပြော မယ်၊ မညှိထားဘူး။ ဘယ်သူနဲ့မှမညှိထားဘူး''ဟု NLD ပါတီ ဗဟိုကော်မတီအဖွဲ့ဝင် ဒေါက်တာ ဇော်မြင့်မောင်က သတင်းအမှားအပေါ် ပြန်လည်ပြောဆိုခဲ့သည်။ ထိုကဲ့သို့ သတင်းမှားများ၊ ရွေးကောက်ပွဲ ကာလနီးလာသည့်အချိန်တွင် အထင်အမြင် လွဲမှားစေမှုများ များစွာရှိနေသည့်အတွက် ပြည် သူများအနေဖြင့် သတိမူသင့်ကြောင်း နိုင်ငံရေး လေ့လာသုံးသပ်သူများက ဆိုကြသည်။


''အဓိက,က ပြည်သူတွေအနေနဲ့ သတိ ထားဖို့ပဲ။ အထင်အမြင်လွဲမှားစေတဲ့ သတင်း တစ်ပုဒ်က အဖြစ်အပျက်အကြီးကြီးတွေကို ဖြစ် စေတယ်။ နိုင်ငံအတွက် ထိခိုက်မှုတွေ အများ ကြီး ရှိစေတယ်။ နိုင်ငံမှာအရေးကြီးတာ ပြည် သူပဲ။ ပြည်သူက လှုပ်ခတ်မှုအားလုံးကို ဖြစ်စေတယ်။ လော်တဲ့သူတွေက လော်မှာပဲ။ ရည်ရွယ် ချက်ရှိရှိနဲ့ သတင်းအမှားတွေ၊ အထင်အမြင်လွဲ မှားစေတဲ့ သတင်းတွေကို တင်တဲ့သူက တင် မှာပဲ။ အဓိက,က တစ်ခုခုဆို မြန်မြန်မယုံဖို့နဲ့ ဆုံးဖြတ်ချက် မြန်မြန်မချဖို့ပဲ''ဟု နိုင်ငံရေးလေ့ လာစောင့်ကြည့်သူတစ်ဦးဖြစ်သည့် ဦးကျော် ဇေယျကဆိုသည်။ ထို့အပြင် ပြည်သူကို သတင်းမှားများပေး ပို့ခြင်း၊ အစိုးရ၏ပုံရိပ်ကို ထိခိုက်စေသည့် အကြောင်းအရာများ ဖြန့်ချိနေသည့် အင်အားကြီး အဖွဲ့တစ်ခုရှိနေပြီး အဆိုပါအဖွဲ့သည် အစိုးရကို တိုက်ခိုက်နေကြောင်း အမျိုးသားဒီမို ကရေစီအဖွဲ့ချုပ်ပါတီ ဗဟိုသုတေသနလုပ်ငန်း အဖွဲ့ အတွင်းရေးမှူး ဦးမျိုးရန်နောင်သိန်းက လည်း ဆိုထားသည်။


လက်ရှိနိုင်ငံရေးအခြေအနေသည် ထိရှလွယ်ပြီး ပြည်သူများအနေဖြင့် အထင်အမြင်လွဲမှားမှု ရှိနေကြောင်းကိုလည်း ''ဒီနေ့ တိုင်း ပြည်ရဲ့အခြေအနေဟာ ခြုံပြီးပြောရရင် မကောင်း ပါဘူး။ နိုင်ငံတကာဖိအားတွေ များနေသလို ပြည်တွင်းမှာလည်း ပူဆွေးသောကတွေ များ နေပါတယ်''ဟု ပြည်ထောင်စုကြံ့ခိုင်ရေးနှင့် ဖွံ့ ဖြိုးရေးပါတီ ပြောရေးဆိုခွင့်ရှိသူ ဒေါက်တာ နန္ဒာလှမြင့်က ဆိုသည်။ ယနေ့ကာလတွင် သတင်းအတုများဖန်တီး လာမှု၊ အမုန်းစကားဖြန့်ချိမှု၊ နည်းပညာအကူအညီဖြင့် ထင်ယောင်ထင်မှားပြုလုပ်မှုများ ရှိ လာပြီး လူထုအတွင်း တုန်လှုပ်ချောက်ချားဖွယ် ရာများကို ဖန်တီးလုပ်ယူလာသယောင် ရှိနေသည်။


ထိုကဲ့သို့ကိစ္စရပ်များသည် နိုင်ငံရေးအသိ အမြင်အားနည်းသည့် ပြည်သူများထံသို့ ဦးတည်နေသည့်အတွက် ပြည်သူများအနေနှင့် နိုင်ငံရေးအသိအမြင်များ ပိုမိုရင့်ကျက်လာရန် လိုအပ်နေပေသည်။ ထို့အပြင် တစ်ဦးတစ် ယောက်ချင်းစီအပြင် ပြည်သူလူထု တစ်ရပ်လုံး ၏ နိုင်ငံရေးအသိ ကျယ်ပြန့်မှုများဖြင့် မှားယွင်းသည့် သတင်းများ၊ ဖြစ်စဉ်များကို သတိ မူ တိုက်ထုတ်ရန် လိုအပ်နေပေသည်။ 

အာကာထက်

#theyangontimes

Rate this item
(0 votes)
back to top